“Ka whakatūria e te Atua o te rangi he kīngitanga e kore e ngaro.”—Rāniera 2:44.

“Kua homai he tama ki a tātou; ā ki runga ki tōna pokohiwi te rangatiratanga.”—Īhāia 9:6.

• He kāwanatanga tika e whiwhi ai koe ki te pai.—Īhāia 48:17, 18.

• I te ao hōu kei te haere mai, he oranga tino pai me te harikoa.—Whakakitenga 21:3, 4.

Āe, e rua nei ngā take:

• I whakaatu mai a Ihu i ngā mea e taea e te Rangatiratanga o te Atua. I whakaako a Ihu i āna kaiaru kia inoi kia tae mai te Rangatiratanga, kia mea hoki i tā te Atua e pai ai ki te whenua. (Matiu 6:9, 10) I whakakite mai hoki a Ihu he pēhea taua inoi e whakautua ai.

  I a ia i te ao, i whāngai a Ihu i ngā matekai, i whakaora i ngā tūroro, i whakaara hoki i ngā tūpāpaku! (Matiu 15:29-38; Hoani 11:38-44) Ko te Kīngi o te Rangatiratanga, i whakakitea mai e Ihu te ātaahua o ngā mea ka mahi taua Rangatiratanga mō te iwi.—Whakakitenga 11:15.

• E tohu ana ngā āhuatanga o te ao kua tata mai te Rangatiratanga o te Atua. I mea a Ihu, i mua noa o te taenga mai o te rangimārie i raro i te Rangatiratanga, ka tino nui ngā pakanga i te ao, ngā pō matekai, ngā rū whenua.—Matiu 24:3, 7.

  E kite ana tātou i aua āhuatanga ināianei. Nā reira, mōhio tonu tātou poto ake nei ka mutu ngā raru pērā.