Мом Иисус ыштен

Иисус деч мо́лан тунемына?

2. Простан туныктена гын, айдемылан пален налмым шарнаш куштылгырак лиеш. Тыгак тиде шӱмжым тарватен кертеш.

 Иисус деч примерым налза

3. Шуко ида ойло. Мутланыме теме нерген мом паледа, чылажымат вигак ида каласкале. Сайрак лиеш ыле шымлыме пособий гыч материаллан вниманийым ойыраш. Йодышым пуэн, вашмутым чытен вучыза. Шымлыше еҥ вашмутым огеш пале але Библийлан тореш улшо вашмутым пуа гын, ешартыш йодышым кучылтын, тудлан Библий гыч шонымашым умылаш полшыза. Шымлыше тӱҥ шонымашым умылен налын гын, вес пунктыш кусныза.

4. Айдемылан у шинчымашым уже палыме шинчымаш дене кылдаш полшыза. Мутлан, те айдеме дене ылыжмаш нерген темым шымлаш тӱҥалыда. Эн ончыч сай лиеш ыле шымлыше деч йодаш, колымо деч вара айдеме дене мо лийме нерген тудо мом шарна.

5. Пример-влакым тӱткын ойырен налза. Иктаж-могай примерым каласыме деч ончыч шоналтыза:

1.   а) Тиде пример проста мо?

2.  б) Шымлышылан тудым умылаш куштылго лиеш мо?

3.  в) Шымлышын ушыштыжо мо кодеш — тӱҥ шонымаш але пример гына?