Кузе тиде курс гыч шукырак пайдам налаш
Эн ончыч ончен лекса, кажне урокыш мо пура да вара ВИДЕОРОЛИКЫМ ончалза.
ТӰҤАЛТЫШ УЖАШ
Кажне уроклан ямдылалташлан, урокын икымше страницыжым лудын лекса. Кӱжгӧ шрифт дене возымо йодыш-влак (А) да Библий гыч почеламут-влак (Б) урокын тӱҥ шонымашыжым палдарат. Южо почеламут воктене «лудын лекса» манын возымо.
ТӰҤ УЖАШ
«Келгынрак шымлен налза» манме кыдежыште тӱҥалтыш мут (В) умылтара, умбакыже мо лончылымо лиеш. Изи вуймут-влак (Г) урокын тӱҥ шонымашыже-влакым палдарат. Туныктышо дене пырля Библий гыч почеламут-влакым лудын лекса, йодыш-влаклан вашмутым пуыза да видеороликым ончыза.
ВИДЕОРОЛИК дене рамке урокышто возымым сайрак умылаш полша. Южо видеоролик-влак чынжымак лийше историйым ончыктат. А весышт шонен лукмо улыт, но чынжымак лийын кертше ситуацийым ончыктат.
Сӱрет-влакым да сӱретлан возымо текстым (Д) ончен налза, да тыгак шоналтыза, мом «Иктаж-кӧ каласен кертеш» (Е) кыдежыште возымо шомаклан вашешташ лиеш.
ПЫТАРТЫШ УЖАШ
Кажне урокым «Тӱҥ шонымаш» да «Ушештарымаш» (Ж) манме кыдеж-влак дене кошартыме. Урокым кошартымеке, датым палемдыза. Ӱлнырак шуктышаш «Цель-влакым» (З) ончыктымо. «Ешартышлан» (И) манме кыдежыште вес пайдале информаций уло.
Кузе Библийыште кӱлешан почеламутым муаш
Библийыш 66 книга пура. Тудо кок ужаш гыч шога: Еврей да арамей йылме дене Возымаш («Тошто Сугынь») да Грек йылме дене Христиан Возымаш («У Сугынь»).
Почеламутым муашлан Библий книган лӱмжым (А), ужашын номержым (Б) да почеламутын номержым (В) ончалза.
Мутлан, Иоаннын 17:3 муашлан Иоаннын возымо книгам почса, 17 ужашыжым, 3 почеламутшым.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
