Katak eo Ejjab Mol Ken Kajilu: Aolep Ro Remõn Rej Wõnliñlok ñõn Lõñ

Ewi wãwen an kar katak in ejjab mol jino walok? Elikin an kar mij aolep dri jilik ro an Jisõs, enañin 1,900 yiõ ko remotlok, Bata ro mokta ilo Kabuñ eo rar jino buñbuñ. Ilo juõn encyclopedia * me ej kwalok kin katak ko an Bata rein, ej ba: “Katak eo elap an kar buñbuñ kar eñin bwe an eo an ro remij renaj wõnliñlok im mour ilõñ elikin air kõmõni men ko rar aikwiji bwe ren erreo.”

Ta eo Baibel ej katakin kake? “Emõnõnõ ro etã burueir; bwe re naj jolit lõl.”​—Matu 5:5.

Meñe Jisõs ear kalimuri dri jilik ro an bwe enaj ‘ilen kapojõk jikiir’ ilõñ, ear kalikar bwe ejjab aolep ro rewãnik renaj ilok ñõn lõñ. (Jon 3:​13; 14:​2, 3) Ejjab mol ke bwe Jisõs ear jar bwe ankilan Anij en jejit kitien “i lõñ, bareinwõt ion lõl”? (Matu 6:​9, 10) Ilo mol, eor ruo kejatrikrik ko rebellok ñõn ro rewãnik. Juõn kumi edrik enaj iroij iben Kraist ilõñ, im jarlepju in armij ro renaj mour indrio ion lõl.​—Reveles̃õn 5:​10.

Jet ien ko tokelik, kabuñ eo mokta ear ukot wãwen an lemnok kin jerbal eo an ion lõl. Ta eo ear walok? The New Encyclopædia Britannica ej ba: “Kabuñ eo ear oktõk im laplok an bõk jikin Ailiñ eo an Anij me armij rar kõtõmene kake.” Kabuñ eo ear jino kakajurlok maroñ eo an ikijen an bõk kwonan ilo makõtkit ko an kien, im ilo wãwen in ear kejekron nan ko an Jisõs ralikar ke ear ba bwe dri kalor ro an rejjab “jen lõl.” (Jon 15:19; 17:14-​16; 18:36) Iomin kajur eo an Iroij in Rom eo Constantine, kabuñ eo ear errã ñõn an ukot jet ian katak ko kin tõmak eo air im juõn iair ear kitibuj tõmak eo air kin wãwen Anij.

[Kamelele eo itulal]

Keiri eon kein ilo Baibel eo: Sam 37:10, 11, 29; Jon 17:3; 2 Timote 2:​11, 12

MOL EO:

Jarlepju in armij ro remõn renaj mour indrio ion lõl, im jab ilõñ

[Kamelele in juõn pija ilo peij 6]

Art Resource, NY