JET ARMEJ REJ TÕMAK bwe armej rar kõm̦m̦an bwe en jino wõr kabuñ, im ro jet rej ba bwe Anij ej kõjerbal kabuñ ko bwe armej ren maroñ epaakel̦o̦k e. Ta l̦õmn̦ak eo am̦?

EKKAR ÑAN BAIBÕL̦

Ewõr juon wãween “kabuñ erreo im jab ettoon im̦aan mejãn ad Anij im Jemãd.” (Jemes 1:27) Men in ej kaalikkar bwe Anij ear ejaake kabuñ eo em̦ool im erreo.

TA MEN KO JET BAIBÕL̦ EJ BA?

• Anij ej buñbũruon kake kabuñ eo me katak ko ie rej pedped ilo Baibõl̦.​—Jon 4:23, 24.

• Kabuñ ko me rej pedpedi katak ko aer jãn l̦õmn̦ak ko an armej, rejjab m̦oolin kabuñ.​—Mark 7:7, 8, UBS.

TA L̦ÕMN̦AK EO AM̦?

• Aet

• Jaab

• Bõlen

EKKAR ÑAN BAIBÕL̦

“Jen l̦õmn̦ak kake doon im jipañ doon, bwe jen kwal̦o̦k yokwe ñan doon im kõm̦m̦an em̦m̦an. Jen jab jol̦o̦k ad kweilo̦k ippãn doon.” (Hibru 10:24, 25, UBS) Ealikkar bwe Anij ekõn̦aan bwe ro rej kabuñ ñane ren bõrokuk ippãn doon ãinwõt juon wõt kumi ak doulul.

TA MEN KO JET BAIBÕL̦ EJ BA?

• Ro rej kabuñ ñan Anij rej aikuj bõrokuk ippãn doon kõnke juon wõt aer tõmak.​—1 Korint 1:10, 11.

• Ro uwaan kabuñ eo Anij ej buñbũruon kake rej juon wõt ippãn rũttõmak ro jet m̦õttaer ipel̦aakin lal̦ in.​—1 Piter 5:9, UBS.