KATAK 1
Naanin Ijjino ko Rejejjet
Jerbal 17:22
ILO TUKADU: Naanin ijjino ko am̦ ren kãitoktoklimo, im ren kaalikkar men eo kwõj itõn kõnono kake im unin an aorõk ñan ro kwõj kõnnaan ñan er.
KILEN AM̦ KÕM̦M̦ANE:
-
Kãitoklimoik er. Kwõmaroñ kããlõt juon kajjitõk, juon mel̦el̦e, juon bwebwenato, ak juon nuuj me enaaj kõm̦m̦an an armej ro itoklimo in roñjake.
-
Kaalikkar men eo kwõj itõn kõnono kake. Kõm̦m̦an bwe naanin ijjino ko am̦ ren jipañ armej ro ñan kile men eo kwõj itõn kõnono kake im unin am̦ naaj kõnono kake ippãer.
-
Kaalikkar unin an aorõk men eo kwõj itõn kõnono kake. Naanin ijjino ko am̦ ren jejjet ekkar ñan aikuj ko an armej ro. Rej aikuj lukkuun mel̦el̦e ewi wãween an men eo kwõj itõn kõnono kake maroñ jipañ er.
