IVINGAMWAZWA UKUCEFYAKO MASAKAMIKA
Mungaya nu Umi Uwaula Amasakamika
Ukupanda amano ukwaya muli Baibo kungatwazwa ukukaanasakamikwa sana. Swe yantunze tutanga tufumyepo ivintu vyonsi ivikalenga twasakamikwa sana. Lelo Kaumba witu wene angavifumyapo. Wasonta na umwi uwakutwazwa. Umuntu wiyo, a Yesu Klistu. Alacitila antu yonsi ivisuma ivingi ukucila na vino wacisile lino wali umuntunze pano nsi. Wakwe vii:
YESU ALAPOZYA AALWALE, WAKWE VINO WACISILE.
‘Yamuletiile alwale alwile indwala zya misango yonsi . . . , nga ayapozya.’ —MATEO 4:24.
YESU ALAPEKANYIZIZYA ANTU YONSI AMANG’ANDA NI VYAKULYA.
“[Yano Yesu alaateeka] yalakuula amang’anda ya kwikala mwenemo, yalaalima ni vyalo vya matingi nu kulya iviseekwa vya mwenemo. Yatalakuulila umuntu muze kuti aikale mwenemo foo, nanti ukulimila yauze ayano yalye foo.”—EZAYA 65:21, 22.
LINO YESU ALATEEKA UMU NSI YONSI MULAYA UMUTENDE NU KUCINGILILWA.
“Umu manda yakwe, antu aololoke yalavula, nupya kulaya umutende ukufika na pano umwezi ulata ukuya penepo. Alaateeka antu ukufuma kuli yemba wenga ukusinta nu kumuze. Nu kufuma uku luzi ukusinta nu kwapelela insi. . . . Anisi yakwe nayo yalakunkuluka umu lukungu.”—MASAMU 72:7-9, NWT.
YESU ALAFUMYAPO ULUFYENGO.
“Aluvwila uluse aalanda na apiina, nupya alapususya apiina. Alayapokolola kuli yayo akayacuzya nu ku unkalwe.”—MASAMU 72:13, 14, NWT.
YESU ALAFUMYAPO UKUCULA NI IMFWA.
“Kutalaya imfwa nupya. Kutalaya kulosya nanti kulila, nanti kuvwa kuwaika.”—UMBWILO 21:4.
