Uzye Baibo Ikalandapo Uli?
Uzye ulufyengo lulasila?
Uzye mungati:
Ee
Awe
Limwi
Vino Baibo ikasambilizya aevi:
“Namanya ukuti Umwene [Yeova] alapeela akafyengwa insambu, nu lungi uku alanda.” (Masamu 140:12) Umu cumi Uwene Wakwe Leza ulasisyapo ulufyengo.
Na vyuze vino tukasambilila muli Baibo aevi:
Leza akalola ulufyengo lonsi ulukacitika nupya alafumyapo lonsi.—Kasambilizya 5:8.
Leza nga wafumyapo ulufyengo lonsi kulaya umutende wa cumi umu nsi yonsi.—Ezaya 32:16-18.
Uzye Leza watemwa sile antu yamwi yauze foo?
Antu yamwi yazumila ukuti Leza angapoleelela nanti kutipwila antu yamwi, yauze nayo yazumila ukuti vino Leza angacitila antu yamwi avino angacitila na yonsi. Uzye mwemo mungati uli?
Vino Baibo ikasambilizya aevi:
“Leza ataya na kasoozi pa muntu ali wensi. Wino wensi akamoopa nu kucita vyawololoke, wene akazengelwa nawe nanti angala uwa mu mutundu uze.” (Milimo 10:34, 35) Fwandi Leza akalola antu yonsi ukuti yaya icili cimwi.
Na vyuze vino tukasambilila muli Baibo aevi:
Baibo ikalanda pi “landwe lisuma” uku “antu amuno nsi amisango yonsi, mitundu, ni ndimi ni nko zyonsi.”—Umbwilo 14:6.
Limwi Mungatemwa Ukulolako na Vii
MASUKO KU MAUZYO AMULI BAIBO
Uzye Leza Aakalenga Twacula?
Umuntu ali wensi sile akacula kumwi na yano Leza watemwa. U mulandu ci?
BAIBO IKASENULA ANTU
Nalondanga Ukulesya Ulufyengo
Ya Rafika ingile umu kaliumba akapanzilwe akakulesya ulufyengo. Nomba izile iyamanya vino Baibo yalaya ukuti uku nkoleelo kulaya umutende nu mulinganya lino Uwene Wakwe Leza ulatandika ukuteeka.
