Antu aingi ndakai yakalondekwa ivyakulya nu mwa kwikala. Yamwi nayo yakalonda ukumanya ivilayacitikila uku nkoleelo. Leza akalonda twaazwa yonsi akulondekwa uwazwilizyo nupya alatupaala ndi cakuti tukucita vivyo.

“Wiyo akasakamala umulanda ala wakongwesya [Yeova], nga nawe alamulipa ivisuma pali vino wacisile.”—MAPINDA 19:17.

Yesu walanzile umulumbe wa muntu wino ivipondo vyazanzile nu kumusya mupipi nu kufwa. (Luka 10:29-37) Mupitanzila umwi wimilile nu kutandika ukwazwa muntu wii wino ivipondo vyumile sana. Wacisile vivyo asi mulandu nu kupusana kwa mitundu.

Umonsi wii uwali ni cikuuku atamunyepiile sile ivilonda nu kumupeela vino walondekwanga, lelo wamukomelizye nu kumuteekezya ku ntazi zino wakweti.

I vyani vino tukusambilila Ukwi lyasi lii? Yesu walanzile ukuti tulinzile ukucita vino tungakwanisya pa kwazwa yayo aakulondekwa uwazwilizyo. (Mapinda 14:31) Malembelo ya Muzilo yakasambilizya ukuti likwene sile Leza wasya asisyepo inzala nu kucuula. Limwi tungaasakamala ukuti, uzye cilaya uli vivyo nupya a lilaci lino Leza alacita vivyo? Cipande icilondelilepo cikulanda pa mapaalo yano Kaumba winu uwaya nu kutemwa alamupeela.