•   “Ya China yacisile lipoti ukuti kuli cilala icipisye nupya ali muku wakwe citatu ukukwatako icisanya cikalamba.”—Sepetemba 7, 2022, The Guardian.

•   “Mu mpanga zimwi izya mu Africa imutwalilila ukuya icilala pa myaka 5.”—Ogasiti 26, 2022, UN News.

•   “Kuli ivikulangilila ukuti mu mpanga izingi zya mu Europe mumaya icilala, nupya limwi cili nu kuya icipisye icitatala cayako mu myaka 500.”—Ogasiti 23, 2022, BBC News.

 Aingi asambilila sana yakulanda ukuti ivilala vii vilatwalilila nupya vilaaya vikwipilako. Uzye kwaya ivikalangilila ukuti vintu vilazipa uku nkoleelo? Uzye Baibo yalandapo uli?

 Baibo yasowile ivikucitika ndakai:

•   “Umu ncende zimwi zimwi mulaya ivipowe.”—Luka 21:11

 Ilingi cilala cikalenga ikuya icipowe. Icipowe, kucula ni ifwa ivikayako pa mulandu ni cilala vikafikilizya mausesemo aa muli Baibo.—Kusokolola 6:6, 8.

 Baibo yalanda umulandu uwalenga vilala vyaya vikuvulilako. Ikati:

•   “Kusi umuntu uwakwata amaka apa umi wakwe.”— Yelemiya 10:23.

 Cii cikupiliula ukuti antunze yatanga yaitungulule ningo aineco. Ilingi viipe vino yakapingulapo ukucita ivikalenga kuye ivilala nu kuulizya manzi.

•   Ya sayansi aingi yazumila ukuti vino antu yakacita vikalenga insi ukukaya, na cii cikalenga umu nsi muye ivilala.

•   Vino antu aya na ukaitemwe yakacita na vino antu yakaikako masunde ukwaula ukwelenganya pa vilacitika uku nkoleelo vikalenga kuye ukonona imiti, kukowezya insi, nu kukanaomvya ningo vintu ivyaya mu nsi, na cii cikalenga amanzi yaya yakucepelako.

 Nanti ciye vivyo Baibo ikatupeela upaalilo.

 Baibo yalaya ukuti Leza alafumyapo ivikalenga kuye ukucepelwa kwa manzi. Alacita uli vivyo?

1.  1. Leza ‘alonona aakaonona insi.” (Kusokolola 11:18) Alafumyapo icikalenga manzi ukucepa kuli kuti antu aipe aya na ukaitemwe, akacita ivintu ivikalenga insi ukononeka.—2 Timoti 3:1, 2.

2.  2. “Umucanga ulya ukaye ulasanguka yemba.” (Ezaya 35:1, 6, 7.) Leza alawezya vyonsi ivyononeka pa mulandu ni cilala nu kulenga insi iye paladaise umulaya amanzi asuma.

3.  3. “Awewe ukasunga impanga nu kuiletela imvula. Ukalenga ukuti iye ikankala nupya iya muvundo.” (Masamu 65:9.) Leza alalenga ukuti umu nsi muye ivyakulya ivingi visuma nupya antu yonsi yalakwata amanzi asuma.