ISAMBILILO 32
Ndakai Uwene Wakwe Leza Ukuteeka!
Uwene wakwe Leza watandike ukuteeka ukwi yulu mu 1914. Liili kwene alino manda ya kusyalikizya amiteekele ya antunze yatandike. Twamanya uli vivyo? Tumasambilila pali vino Baibo yasoowile, ivintu ivyatwalilile ukucitika umu nsi ni miyele ino antu yaya nayo ukufuma umu 1914.
1. I vyani vino Baibo yasoowile?
Ibuku lyakwe Danieli likatulangilila ukuti Uwene wakwe Leza wali nu kutandika ukuteeka pa mpela ya “myaka cinimbali [7].” (Danieli 4:16, 17) Lino papisile imyaka iingi, Yesu walanzile pa myaka iiya 7 ukuti zyali “insita izyasoololwa izya yantu amu nsi,” nupya walanzile nu kuti insita ziizi zyali ale zitatala zyasila. (Luka 21:24) Wakwe vino tumasambilila, imyaka 7 yasizile umu 1914.
2. I vyani ivikacitika umu nsi, nupya imiyele ya yantu yaya uli ukutandika umu 1914?
Asambi yuzizye Yesu iyati: “I cani icilaya icimanyililo ca kuyapo kwako ni ca mpelelekezyo ya nsi?” (Mateo 24:3) Pa kwasuka, Yesu walanzile pa vintu ivingi ivyali nu kucitika nga watandika ukuteeka mu Wene wakwe Leza ukwi yulu. Pa vintu vivyo paali nu kuya inkondo, ukucepa kwa vyakulya ni vilundumusi. (Belengini Mateo 24:7.) Baibo yasowile nu kuti pa mulandu ni miyele ino antu yalakwata “umu manda akusyalikizya” ivintu vilatala sana. (2 Timoti 3:1-5) Imiyele ya yantu ni vintu ivingi ivikucitika pano nsi vyatandike ukuloleka sana umu 1914.
3. U mulandu ci uno ivintu mu nsi vyatalila sana ukufuma lino Uwene wakwe Leza watandike ukuteeka?
Pa cisila lino Yesu waya Umwene umu Wene wakwe Leza, walwile na Satana ni viwa vyakwe. Satana yamucimvizye. Baibo ikalanda ukuti “wasumvilwe pano nsi, nupya na ya malaika yakwe nayo kwene yasumvilwe pamwi nawe.” (Kusokolola 12:9, 10, 12) Satana waya ni cipyu icikalamba pano wamanya ukuti ali nu kononwa. Fwandi aliwe akalenga ucuzi nu kuwaika pano nsi. Ali mulandu uno ivintu umu nsi vipila sana! Uwene wakwe Leza ulafumyapo intazi zyonsi zii.
LONDELEZYINI NA VYUZE
Lolini ivyalenga tumanye ukuti Uwene watandike ukuteeka umu 1914 na vino ukumanya vivyo kungatwazwa.
4. Ukulingana na vino Baibo yasoowile, ivyalembwa vikatulangilila ukuti Uwene wakwe Leza watandike ukuteeka umu 1914
Leza walenzile Umwene Nebukadineza ukulota iciloto icalangililanga ivyali nu kumucitikila uku nkoleelo. Iciloto cii na vino Danieli wacilondolwile vikalangilila ukuti calandanga pa wene wakwe Nebukadineza nu Wene wakwe Leza.—Belengini Danieli 4:17. a
Belengini Danieli 4:20-26, alino muomvye cati pa kwasuka mauzyo atiyalondelelapo:
-
(A) I vyani vino Nebukadineza waweni umu ciloto?—Lolini vikomo 20 na 21.
-
(B) I vyani ivyali nu kucitika uku cimuti?—Lolini icikomo 23.
-
(C) I vyani ivyali nu kucitika pa mpela ya “myaka cinimbali”?—Lolini cikomo 26.
VINO ICILOTO ICIKALANDA PA CIMUTI CALEMANA NU WENE WAKWE LEZA
USESEMO (Danieli 4:20-36)
Ukateeka
(A) Cimuti cikulu sana
Ukateeka wapumvyanyiziwa
(B) “Sinda icimuti” nupya uleke papite “imyaka cinimbali”
Ukateeka waweziwa
(C) “Nupya kwene wemo ulaya umwene”
Kufikiliziwa kwa kutandikilapo . . .
-
(D) A weni wino icimuti cimililangako?—Lolini cikomo 22.
-
(E) A lilaci lino watiile ukuteeka?—Belengini Danieli 4:29-33.
-
(F) I vyani ivyacitikile Nebukadineza pa mpela ya “myaka cinimbali”?—Belengini Danieli 4:34-36.
KUFIKILIZIWA KWA KUTANDIKILAPO
Ukateeka
(D) Nebukadineza, Umwene wa ku Babiloni
Ukateeka wapumvyanyiziwa
(E) Pa cisila cakwe 606 B.C.E., Nebukadineza wapenyile nupya ataali nu kutwalilila ukuteeka pa myaka 7.
Ukateeka waweziwa
(F) Nebukadineza wizile atandika ukwelenganya ningo aswilila na pa wene
Kufikiliziwa kwakwe ciili ukwa usesemo uu . . .
-
(G) A weni wino icimuti cimililangako?—Belengini 1 Milandu 29:23.
-
(H) A lilaci lino yatiile ukuteeka? Twamanya uli ukuti yatateekanga pa nsita ino Yesu wali pano nsi?—Belengini Luka 21:24.
-
(I) Aekwi nupya a lilaci lino ukateeka uu waweziwe?
KUFIKILIZIWA KWAKWE CIILI
Ukateeka
(G) Aene Aina Izlaeli aimililangako ukateeka wakwe Leza
Ukateeka wapumvyanyiziwa
(H) Yelusalemu ononwa, nupya imiteekele ya yene aina Izlaeli yapumvyanyiziwa pa myaka 2,520
Ukateeka waweziwa
(I)Yesu watandika ukuteeka umu Wene wakwe Leza ukwi yulu
Uzye imyaka cinimbali yali uli utali?
Iviputulwa vimwi muli Baibo vikatwazwa ukuvwikisya iviputulwa vyuze. Wakwe, ibuku lya Kusokolola likalanda ukuti imyaka itatu na citika icili cimwi na manda 1,260. (Kusokolola 12:6, 14) Fwandi imyaka cinimbali, ifwile ukuya manda 2,520. Muli Baibo, insita zimwi izwi lyakuti uwanda likalozya ku mwaka. (Ezekelo 4:6) Fwandi imyaka cinimbali iyalondololwa umwi buku lyakwe Danieli i myaka 2,520.
5. Vintu mu nsi vyasenuka ukufuma umu 1914
Yesu wasoowile vino ivintu vyali nu kuya umu nsi nga watandika ukuteeka. Belengini Luka 21:9-11, alino mulanzyanye iuzyo lii:
-
I vyani pali vii vino mwalola nanti ukuvwa pali vii?
Mutumwa Paulo walondolwile vino antu yali nu kuya umu manda ya kusyalikizya amiteekele ya antunze. Belengini 2 Timoti 3:1-5, alino mulanzyanye iuzyo lii:
-
I miyele ci imwi pali yii ino mwalola antu yakwata ndakai?
6. Masunde ya Wene wakwe Leza yalinzile ukutukomelezya
Belengini Mateo 24:3, 14, alino mulanzyanye mauzyo yaa:
-
U mulimo ci ucindame ukalangilila ukuti ndakai Uwene wakwe Leza ukuteeka?
-
Mungacita uli pakuti mwaombako mulimo uu?
Ndakai Uwene wakwe Leza ukuteeka, nupya likwene sile wasya utandike ukuteeka insi yonsi. Belengini Aebele 10:24, 25, alino mulanzyanye iuzyo lii:
-
I vyani vino swensi tulinzile ukucita lino “tukulola uwanda wakwe Leza ukupalama”?
Ndi cakuti mwamanyile vimwi ivingazwa yauze nupya ivingapususya maumi yao, i vyani vino mungacita?
UMWI ANGAMUZYA UKUTI: “U mulandu ci uno ya Nte Yakwe Yeova yakalandila ukuti 1914 u mwaka ucindame sana?”
-
Mungasuka mutuuli?
VINO TWASAMBILILA
Mausesemo ya muli Baibo, vino ivyalembwa muli Baibo vyatantikwa, ni vikucitika umu nsi vikalangilila ukuti Uwene wakwe Leza ukuteeka. Tukalanga ukuti twazumila vii ndi cakuti tukunenako yauze nu kuzanwa umu kulongana.
I vyani vino mwasambilila?
-
I vyani vyacitike pa cisila ca myaka 7 iyalandwapo umwi buku lyakwe Danieli?
-
I vyani ivyalenga musininkizye ukuti Uwene wakwe Leza watandike ukuteeka umu 1914?
-
Mungalanga uli ukuti mwataila ukuti Uwene wakwe Leza watandika ukuteeka?
LONDELEZYINI
Sambililini vino aakalemba malyasi pali vino vyacitike mpiti alino na yauze yalanda pali vino ivintu vyasenuka umu nsi ukufuma umu 1914.
Belengini vino usesemo uwaya pali Mateo 24:14 wavwile umonsi umwi.
“Natemilwe Sana Ukuteya Besibo Ukuluta Icili Consi!” (Lupungu Lwa Mulinzi Na. 3 2017)
Twamanya uli ukuti usesemo uwaya muli Danieli icipande 4 ukalanda pa Wene wakwe Leza?
I vyani ivikalangilila ukuti “imyaka cinimbali (7)” iyalumbulwa muli Danieli icipande 4 yasizile umu 1914?
a Lolini “ vipande vya kusyalikizyako” viili umu ciputulwa cakuti Londelezyini umwi sambililo kwene lii.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
