Mwasoolola amazwi aakuvwana ni cikulandwapo. Pa cisila ca kuwelenga ilembelo, landini pa mazwi aakuvwana ni cisinka cino mukulandapo. Mungacita vii lino mwaswilizyapo amazwi nanti ukuzya iuzyo ilingazwa ya kakutika ukumanya amazwi aakuvwana ni cisinka.

Mwalanda sana pa cisinka cino ya kakutika yangaiusya. Ndi cakuti mwalanda amazwi akulangilila umulandu uno mukuwelengela ilembelo, londololini vino amazwi aali umwi lembelo yakuvwana na vino mukulandapo.

Mwalanda vino ivyeo vingaomviwa umu nzila iyangupale. Mutalanda pa vyeo ivitacindime ivisikuvwana ni cisinka cikalamba cino mukulandapo. Ukulingana na vino ya kakutika inu yamanya mpiti pali vino mukulandapo, mwasoolola ivisinka ivingamwavwa ukulondolola ningo ivikulandwapo pakuti ya kakutika yuvwikisye.