Yobo 7:1-21
7 “Uzye umi wa muntu mwina kufwa pano nsi utaya wa mulimo wa kupatikizya?Nupya uzye manda yakwe yataaya wa manda ya muntu uwingila incito?
2 Akaloleela ukuti cisaao cifike wa muzya,Nupya akaloleela malipilo yakwe wa muomvi.
3 Vikwene ali vino napeelwa imyezi ya sile sileNupya nkapendelwa insita zya usiku izya kucululuka kwane.
4 Nga nalaala nkayuzya inti, ‘A lilaci lino namakatuka?’
Nupya usiku nga watantalila, nkafutokela sile suka iuca.
5 Umwili wane waya sile ingonyo zitupu ni vikwi;Inkanda yane ikupapauka nupya ikufumya sile ufila.
6 Amanda yane yakusimula sana ukucila vino masyini ya kupikwilako ikasimula,Nupya yakusila ukwaula upaalilo.
7 We Leza iusya ukuti umi wane u muza,Ntalatala indolepo insansa.
8 Aakandola atalatala andole nupya;Ulandonda nomba ale impita.
9 Wi kumbi ilikaponga nu kuta ukuloleka,Avino nu muntu aakaya ukwi Lindi* asiwela.
10 Atalatala awelepo uku ng’anda yakwe,Nupya alililika pa ncende yakwe.
11 Fwandi ntalata ukulanda.
Ndalanda umu kucululuka kwane;Nupya ndailizyanya umu kucula kwane!
12 Uzye nene yemba nanti cilyanyi ca pali yemba,I cakuti unganjikilako uwa kundinda?
13 Lino nalanda ukuti, ‘Pano nkalaala pamanteekezya;Na bedi wane amancefezyako masakamika,’
14 Ukantiinya ni vilotoNupya ukantiinya ni vilolwa,
15 Icakuti nkasoololapo nu kufwa icipafi,Nkasoololapo ukufwa ukucila ukuya nu mwili wane uu.
16 Iimpata umi wane; nsikulonda ukutwalilila ukuya nu umi.
Ndekini sile pano manda yane yaya wa mupu.
17 Uzye umuntu mwina kufwa u wa cani uwakuti wasakamalaNu kumwikako mano?
18 U mulandu ci uno ukamuceecetela cila katondoNu kumwezya cila nsita?
19 Uzye utalaleka ukunjikako manoNu kundeka sile nanti apa kasita kanono pakuti imile mati?
20 Ndi cakuti nayembuka i vyani vino ningacita kuli wewe wemuno ukalola vyonsi vino antu yakacita?
U mulandu ci uno wikila mano pali nene?
Uzye inja icisendo kuli wewe?
21 U mulandu ci uno uteleela imembu zyaneNu kunguvwila uluse pali vino nkaluvyanya?
Pano likwene nasya ndale umu lukungu,Nupya ulandonda lelo ale impita.”
Mafutunoti
^ Mu Ciebele: “Syeo.” Lolini Ulondolozi wa Mazwi.
