Yobo 10:1-22
10 “Impata umi wane.
Namailizyanyanga.
Namalandanga umu kucula kwane!
2 Namanena Leza ukuti: ‘Utampeela umulandu.
Neene umulandu uno ukulwisyanyizizya nani.
3 Uzye cikukuzanzya vino ukuncuzya,Ukupata imilimo ya minwe yakoNu kutemwa ukupanda mano kwa mwipe?
4 Uzye wakwata manso kwati aa yantu,Nanti uzye ukalola wa muntu mwina kufwa?
5 Uzye manda yako yaya wa manda ya yantu,Nanti uzye imyaka yako yaya wa myaka ya yantu,
6 Icakuti walondelezya pa kuluvyanya kwaneNu kutwalilila ukulondelezya imembu zyane?
7 Wamanya ukuti ntakwata umulandu;Nupya kusi aangampususya kuli wewe.
8 Makasa yako aambumvile nu kumpanga,Nomba lyene ukulonda ukundovya.
9 Si iusya ukuti wampaazile ukufuma ukwi vu,Nomba lyene ukulonda ukunswilizya uku lukungu.
10 Uzye utaanjitulwile wa mukakaNupya uzye utaampanzile wakwe vino yakapanga umukaka utimbe?
11 Wanzwisile inkanda nu munyefu,Nupya wampikwile ukuomvya mafupa ni mikole.
12 Wampeela umi nu kundanga ukutemwa kwa cumi;Kusakamala kwako kwancingilila.
13 Wapanzile umu umfisolo ukuncitila ivintu vii.
Nimanya ukuti ivintu vii vikufuma kuli wewe.
14 Ndi cakuti nayembwike nga wambweni,Nupya nga utasuzileko sile uku kuluvyanya kwane.
15 Ndi cakuti nene wa mulandu, ale caipa sana kuli nene!
Nupya ndi cakuti nene wa kaele, ntanga nkatusye umutwe,Pano inzewana sana nupya nkucula.
16 Ndi cakuti nakatusya umutwe, ukandunga wakwe vino cisama akalungaNupya kwene ukalanga maka yako pali nene.
17 Ukandetela ya kambone apya aakunkatukilaNupya ukansokela sanaLino nkuya nkukwatilako intazi.
18 U mulandu ci uno wamfumizizye umunda yakwe mayo?
Nga nafwile lino ali wensi atatala wandola.
19 Nga cali kwati ntatazile injeko;Nga nafumile sile umunda yakwe mayo nu kutwalwa ukwi lindi.’
20 Uzye amanda yane yatasiile anono? Lekini ante;Ate ukundola pakuti mpuuze
21 Lino ntatala napita kuno ntalawelaUku mpanga ukwaya sana imfinzi,
22 Uku mpanga ukwaya imfinzi ikalamba,Impanga iyafita fititi nupya iya cimvulunganya,Kuno uluswepo lukaloleka kwati imfinzi.”
