Isamu 62:1-12
Ku mukalamba wakwe ya kiimba; pali Yedutuni.* Lwimbo luno Devedi wimvile.
62 Cumi kwene, nkaloleela Leza ala indi mya.
Aliwe akampususya.
2 I ciliwe cane nupya kapususya wane, aali mwakufisama mwane umucingililwe;Ntalatala intenkanyiziwe.
3 Uzye ulatwalilila ukucisa umuntu pakuti umukome ukufika lilaci?
Mwensi kwene muli wa ciumba ica kusintilizyako, kuli kuti iciumba ca mawe icili umupiipi nu kupona.
4 Pano yakalanzyanya pakuti yamufumye pa cifulo cakwe ica papela;Yakauvwa ningo ukubepa.
Yakapaala ukuomvya utunwa twao lelo umukasi yakatipwila. (Selah)
5 Cumi kwene nkaloleela Leza ala indi myaPano aliwe akampeela upaalilo.
6 I ciliwe cane nupya kapususya wane, ali mwakufisama mwane umucingililwe;Ntalatala intenkanyiziwe.
7 Lulumbi lwane nu kupusuka kwane vyasintilila pali Leza.
Leza ali ciliwe cane ica maka, nupya ali mwakufisamamo mwane.
8 Mwe yantu mwe mwamutaila insita zyonsi.
Mwamunena ivili umu mwenzo.
Leza ali kacingilila witu. (Selah)
9 Ana ya yantu yaya wa mupu,Ana ya yantu yaya wa ncende ya kufisamamo iya ufi.
Ndi cakuti yaiika pali sikelo yangapeepuka ukucila umupu.
10 Mutataila umu ucenjeziNanti ukutaila umu upuupu.
Ndi cakuti ivyuma vinu vyavulisya, mutaika mano pa vyuma vivyo.
11 Leza walaanda umuku onga, nuvwa imiku iili pali cii:
Ukuti amaka yakafuma kuli Leza.
12 Nupya ukutemwa kwa cumi u kwako we Yeova,Pano ukalambula umuntu wenga na wenga ukulingana ni vicitwa vyakwe.
Mafutunoti
^ Lolini Ulondolozi wa Mazwi.
