MAHUKU olelo ituniya ihoocara masankiho. Ikhotto, ihasara, iretta, usikhini, unyonkanaciya, ni citthu cikina coohinamaana cinawaahuviha atthu imiliyawucene. Pooti ukhalaka wiira weeva ciico uhaana masankihwaa. Tipani nhala unikavihera? Niireke haavo ooniwacera?

Pooti ukupaleela wiira Nluku naaniwacera khweeli. Nnuulumoni nawe Nowaarya, uyo nohimya coo: “Pooti nthiyana unliyala mwanawe, woohimoonela ithunku mwaana nyanryaawe? Hataa yala athiyana ala pooti uliyala, masi miiva akinhala wuuliyala.” *

Iyo kihimwena itthu impisiha nrima? Nifento nirinaawe Nluku ni hiiva nihoverihela wuunuwa woovirikana ni nifento nirinaawe namayara ni mwanawe. Nluku khanivo nihuku ninrwaawe uniliyala! Ni uyo honikavihera ni mananna ootepa ureera. Cani? Woonithoonyihera isiiri imphwanyiha ukumi—wootteeliya, iyo ikhanlee waamini weekhweeli.

Waamini unaahala wuuwaanela utteeliya. Waamini unaahala wuukavihera usempa misankiho cinci ni wuucuweliha mananna oovilela ale anhalaa uhikhitiri usempa. Ciicammo unaahala uwaattamaniha ni Nluku, ukhalanaka wuupuwela wo nnema. Uhiya voo, waamini weekhweeli ummalelaca wuuvaha nweherero no maana uhoolo—ukumi woohimala upeephoni!

Masi waamini weekhweeli maanaya isiyani? Ni unhala wuncerera cani waamini waa?