MPANTTA 25
Isiyani Nluku ilakenlyaawe unipankela?
Ibiiblya inaahimya wiira ukumi waapinaatamu, ‘khunkhala wo mahuku menci ni khumalana citthu cookhaliha isukhuli.’ (Jó 14:1) Niireke wiira uyo phuukumi Nluku unnipheelelaawe hiiva? Nluku uwumpa wawe apinaatamu aapheelela isiyani? Niireke wanihukuni iyo itthwiiyo inaahala wiirannya? Nyuuva unaahala wuucivelani ucuwela mananna cinaakhulaaya Ibiiblya.
1. Yehova nopheela wiira ukumiihu ukhaleke cani?
Yehova nopheela wiira nikhalaneke ukumi womaana. Uwumpa wawe apinaatamu oopacera Atamu ni Hawa, ahoweesa wapeephoni yooreera: nlava no Eteni. Wahoolo waya, “Nluku ahaavaha iparakha ni aheerela: ‘Mwaayare asaana ni mwincive; ncare ni nwacere ituninya.’” (Uphattuwaca 1:28) Yehova aapheela wiira ayo yaayare asaana, akhalihe ituninya yotheene ipeephoni ni ciicammo awacere inama cotheene. Itthu Yehova yaapheelaawe, waari uwoona atthu otheene yakhalanaka ukumi womaana ni uhimmala.
Khweeliini mahukwaala khaninkhala toko caapheelaawe Nluku. a (Moone niwehero.) Masi Nluku nanlelo nopheela wiira nikhalane ayo makhalelwaayo. (Isaiya 46:10, 11) Nluku nanlelo nopheela wiira atthu ammwiiwelela akhale mpaka ni akhalane ukumi woohipahuwa.—Nsome Apokalipise 21:3, 4.
2. Isiyani inlamuliyeehu upanka wiira nitteeliye ala mahuku ankhaleehwaala?
Hiiva numpiye nimananna wankhitiriihu ‘ucuwela wiira nihaana nincuwelaka Nluku,’ awula, nimananna wannicivelaaya uncuwela uyova ni unswalela. (Nsome Matewus 5:3-6.) Yehova nopheela wiira nikhalane upatthani woolipa nuuyova ‘nihihiyereraka weetta iphiro cawe, ninfentaka’ ni ninswalelaka ‘ninrimeehu wotheene.’ (Deuteronomiyu 10:12; Isaalimu 25:14) Napankaka iyo, ninaahala ukhalana utteeliya weekhweeli hataa naananaka masakha. Unswalela Yehova unaaniiriha woona wiira ukumiihu uhaana ifayita.
MUNCERERE WIITTHUCA WINYU
Mwiitthuce mananna Yehova cithoonyenryaawe unifenta cinene wumpawawe ituninya wiira nikhale. Ciicammo mwiitthuce itthu inhimyaaya Ibiiblya nhina mananna ukumiihu unhalaaya ukhala wahoolo.
3. Yehova nopheela wiira apinaatamu akhalane ukumi womaana
Moone IVIDIYU, ni mwamalihaka woona, moopele mwaha nna nikohoonna:
-
Kontha isiyani Nluku umpilyaawe ila ituninya yooreera inkhaleehwiila?
Nsome Eklesyaste 3:11, ni mwamalihaka usoma, moopele mwaha ala makohwaala:
-
Isiyani Yehova yeesilyaawe wanrimani wihu? Iyo inthoonyera wiira Yehova nonipheelela isiyani?
4. Yehova naapheela nanlelo unipankela itthu innipheelelaawe ikhumelo yo khalayi
Nsome Isaalimu 37:11, 29 ni Isaiya 55:11. Mwamalihaka usoma, moopele mwaha nna nikohonna:
-
Nincuwela cani wiira itthu Yehova innipheelelaawe ikhumelo yo khalayi khanaaya urukunusa?
Inupa hataa yananaracaka nlattu woohitafitiya saana wanaakhitirya ulokihaciya. Inanna imocaaru, ituninya khintafitiya saana naapinaatamu. Masi Yehova naahala urehererya wiira yakhale ale anonfenta.
5. Unswalela Yehova unaanikavihera ukhalana ukumi womaana
Ucuwela itthu innipheelelaawe Yehova pooti uniphwanyiha utteeliya. Moone IVIDIYU, ni mwamalihaka woona, moopele mwaha nna nikohonna:
-
Manannani cirukunuwilyaaya makhalelo aathiyana amoca aneehaniya Terumi, ucuwela waya isiyani innipheelelaawe Nluku?
Nsome Eklesyaste 12:13, ni mwamalihaka usoma, moopele mwaha nna nikohonna.
-
Ukhala wiira Yehova honipankela citthu cinci, manannani cinlamuliyeehu uthoonyera wiira ninansukhuru?
NTTHU AKOHAKA: “Nlattuni Nluku numpilyaawe?”
-
Nyuuva mwaahala waakhula cani?
UTHIKILELA
Yehova nopheela wiira nikhale mpaka ni nikhalane ukumi woohipahuwa. Nanswalelaka Yehova ninrimeehu wotheene, ninaakhalana ukumi womaana nenna co.
Wuupuwela
-
Isiyani Yehova yampheelelaawe Atamu ni Hawa?
-
Nincuwela cani wiira Nluku naapheela nanlelo unipankela itthu innipheelelaawe ikhumelo yo khalayi?
-
Mpankekeni wiira nkhalane ukumi womaana?
MWAPHEELAKA UCUWELA CITTHU CIKIINA
Moone citthu cinthoonyihera wiira nlava no Eteni khweeliini nahaavo.
“Nlava no Eteni—ihantisi yo khweeli awula yo woothiya?” (Ukhalenla, 1 yo Janeiro yo 2011)
Moone kontha isiyani nihaana ukupaleela wiira ituninya inaahala ukhala mpaka.
“Ituninya inaahala umalamalihiya?” (Mwaha umphwanyannya nsayitini jw.org)
Moone mbiiblyani nlattuni Nluku numpilyaawe.
“Nlattuni Nluku numpilyaawe?” (Mwaha umphwanyannya nsayitini jw.org)
Nlopwana mmoca neehaniya Jhon, oopuwela wiira khiivo itthu yanhaleela muukumini wawe. Moone mananna coonenenlyaawe itthu yanhaleela.
a Niwehero: Nhina mpantta unttharana nuula, nnaahala wiitthuca isiyani ihirannyeehile itthu yaapheelaawe Nluku.
