MPANTTA 7
Umwene wa Nluku Isiyani?
1. Umwene wa Nluku isiyani?
Isiyani inonkhaliha Yesu Mwene ookhuluvelyaa?—MARKUS 1:40-42.
Umwene wa Nluku ikhanlee ikuvernu yo wiirimu. Uyo unaahala umaliha ikuvernu coothene ni unaahala upanka intthunaawe Nluku walaponi. Ihapari co Umwene wa Nluku cikhanlee comaana. Woohipica, uyo Umwenyooyo unaahala uwaana ikuvernu yowaafai apinaatamu. Unaahala waatananiha atthu oothene walaponi.—Unsome Daniele 2:44; Matewus 6:9, 10; 24:14.
Nipuro urii umwene haana ukhala Mwene. Yehova honthanlaMwanawe, Yesu Kristu, wiira akhale Mwennyaawe.—Usome Apokalipise 11:15.
2. Kontha isiyani Yesu khanlee Mwene ookhuluvelyaa?
Mwaana a Nluku phi Mwene ookhuluvelyaa kontha uyova namaana ni naakihera itthu ikhanlee yo maana. (Matewus 11:28-30) Uhiya voo, nhala ulamulela watuniyani naariyene wiirimu, maanaaya wiira naahala ukhalana ikuru cootosera waakavihera atthu. Wommwelelihiyaawe, Yesu ahorwaa wiirimu, ni ahonkoma moono nlopwana wa Yehova awehereraka. (Maberewu 10:12, 13) Woomalela, Nluku ahonvaha ikuru wiira ancere uhoolela.—Unsome Daniele 7:13, 14.
3. Tipani nhala uhoolela wamoca ni Yesu?
Yesu nkoolamulela wiirimu wamoca ni mphwinko “wowaarya”. (Daniele 7:27) Oopacera uthanliya yaari maapostolu yantthunela Yesu. Mpaka ilelo Yehova rii mowaathanla alopwana ni athiyana ontthunela wiira akhale owaarya. Toko Yesu ayo anommwelelihiya ni irutthu yo nnepa.—Unsome Joau 14:1-3; 1 Akorintu 15:42-44.
Arii akavi anrwaa wiirimu? Yesu eehanne “nikhoto nankani”. (Luka 12:32) Wiimaleloni, anhala umalihera ukhala ikontu 144 ni anhala ulamulela ituniya wamoca ni Yesu.—Usome Apokalipise 14:1.
4. Yaakhumelenle isyani Yesu wancenryaawe ulamulela?
mwene wa Nluku wancenre uhoolela mwaakha wo 1914. * Itthu yaapacenryaawe upanka Yesu khampa Mwene yaari unttikhela Sotwani ni Maciinyaawe walaponi. Sotwani ahoviruwa cinene ni ahancera ukhuniha masakha nlaponi moothene. (Apokalipise 12:7-10, 12) Ukhuma ukathi yoole, masankiho aapinaatamu ahenciva utepa uweryaa. Ikhotto, itala, iretta ni uttettemela wo itthaya cikhanlee “nthoonyero” ninoonihera wiira woohipica Umwene wa Nluku unaawa uhoolela weettihera myaha conlaponi.—Unsome Luka 21:7, 10, 11, 31.
5. Umwene wa Nluku unkoopanka isiyani?
Ni miteko coolalyaa ntuniyani moothene, Umwene wa Nluku uhanca waatakaniha atthu olapo coothene wiira akhale mphwinko muulupale. Imiliyawucene caatthu ootthuna uhimeriya ahanca ukhala atthari a Yesu. Umwene wa Nluku unaahala waakihera atthari wanhalaaya ukwanyulaciya ulumwenku wo citthu cootakhala walaponi. Coo, oothene ampheela uphwanya ifaita co Umwene wa Nluku ahaana yitthucaka ukhala atthari ontthunela Yesu.—Usome Apokalipise 7:9, 14, 16, 17.
Nhina wo myaakha 1.000, Umwene unaahala upanka itthu Nluku yaapheelenlyaawe apinaatamu wuupaceroni. Ilapo yoothene inaahala ukhala Ipeephoni. Woomalela, Yesu naahala waahokolosera Umwene Athumwaane. (1 Akorintu 15:24-26) Unancuwela ntthu oocivenle umoopana mwaha wo Umwene wa Nluku?—Usome Isaalimu 37:10, 11, 29.
^ par. 6 Wapheelaka ihapari cikina co citthu coohimiya cihineerannyaa ciri mbiiblyani cinthoonya mwaakha wo 1914, uwehe ipagina 217-220 nlivuruni O Que Nos Ensina a Bíblia?
