HIRA 156
Satria Mino Aho
1. Enjehina aho fa tony ihany.
Feon’ny liona izany,
’Zay mitady hamiravira.
Ry foko, mifikira!
Jehovah manda miaro hatrany.
(FIVERENANA)
Tsy hatahotra aho
na maizim-pito aza izao,
Vao mainka aza aho
hifikitra aminao.
Fa tsy jamba ny finoako,
Mahita aho ato am-poko
Hoe ianao eo
hanatanjaka ahy.
Satria mino aho...
2. ’Reo tia anao hatrizay
Mba voasedra tsirairay.
’Zao ’ndray ’zaho aloha no miady;
Toa hitako io sahady
’Lay valisoa homenao anay!
(FIVERENANA)
Tsy hatahotra aho
na maizim-pito aza izao,
Vao mainka aza aho
hifikitra aminao.
Fa tsy jamba ny finoako,
Mahita aho ato am-poko
Hoe ianao eo
hanatanjaka ahy.
Satria mino aho...
(TETEZANA)
Jehovah moa
no mijoro eo aloha,
Ka tsisy
hampandositra ahy.
N’inon-kidona,
Handresy aho
fa manam-pinoana.
Mahafindra tendrombohitra aho!
3. Efa ao aoriana kely ao
’Lay tany soa vaovao
Natokanao ho ahy.
Ry foko, matanjaha
Fa tsy haharitra ela intsony izao!
(FIVERENANA)
Tsy hatahotra aho
na maizim-pito aza izao,
Vao mainka aza aho
hifikitra aminao.
Fa tsy jamba ny finoako,
Mahita aho ato am-poko
Hoe ianao eo
hanatanjaka ahy.
Satria mino aho...
Satria mino aho...
(Jereo koa ny Heb. 11:1-40.)
