Salamo 146:1-10
146 Derao i Jah!*+
Hidera an’i Jehovah amin’ny foko manontolo anie aho!+
2 Hidera an’i Jehovah mandritra ny androm-piainako aho.
Hihira fiderana* ho an’ny Andriamanitro aho raha mbola velona koa.
3 Aza matoky ny olona ambony*Na ny zanak’olombelona izay tsy mahavonjy.+
4 Miala ny fofonainy, ary miverina amin’ny tany+ izy;Amin’iny andro iny ihany, dia foana ny eritreriny.+
5 Sambatra izay manana an’ilay Andriamanitr’i Jakoba ho mpanampy azy+Sady manantena an’i Jehovah Andriamaniny,+
6 Ilay Mpanao ny lanitra sy ny tanySy ny ranomasina ary izay rehetra ao amin’ireo,+Dia Ilay tsy mivadika mihitsy,+
7 Ilay manome rariny ho an’izay ambakaina,Ary manome hanina ho an’ny noana.+
Manafaka an’ireo migadra*+ i Jehovah.
8 Manokatra ny mason’ny jamba+ i Jehovah;Mampitraka an’ireo mitanondrika+ i Jehovah;Tia an’ireo olo-marina i Jehovah.
9 Miaro ny vahiny i Jehovah;Ampiany ny kamboty ray sy ny mpitondratena,+Fa ny fikasan’ny ratsy fanahy kosa ataony tsy tanteraka.*+
10 Ho Mpanjaka mandrakizay i Jehovah,+Dia ilay Andriamanitrao, ry Ziona ô, hatramin’ny taranaka fara aman-dimby.
Derao i Jah!*
Fanamarihana
^ Na: “Haleloia!” “Jah” no fanafohezana an’ilay anarana hoe Jehovah.
^ Na: “Hitendry mozika.”
^ Na: “ny andriana.”
^ Abt: “voafatotra.”
^ Na: “ny lalan’ny ratsy fanahy kosa ataony miolakolaka.”
^ Na: “Haleloia!” “Jah” no fanafohezana an’ilay anarana hoe Jehovah.
