Isaia 21:1-17
21 Ny fanamelohana ny tany efitra any amin’ny ranomasina:*+
Tonga toy ny tafio-drivotra mifofofofo any atsimo izany,Ary avy any an-tany efitra, avy any amin’ny tany mampahatahotra.+
2 Nisy fahitana mahakivy naseho tamiko:
Mivadika ny mpivadika,Ary mandringana ny mpandringana.
Miakara, ry Elama! Manaova fahirano, ry Media!+
Hatsahatro daholo ny fisentoana vokatry ny nataony.+
3 Izany no mahatonga ahy hitebiteby be.*+
Marary be tampoka ny hozatro,Hoatran’ny an’ny vehivavy efa ho teraka.
Kivy loatra aho ka tsy maheno,Ary sahiran-tsaina loatra ka tsy mahita.
4 Mitebiteby ny foko. Mihorohoro mafy aho ka mangovitra.
Tsy andriko izay hahamaizina ny andro, nefa rehefa tonga izany dia lasa mangovitra indray aho.
5 Omano ny latabatra ary alamino ny seza!
Mihinàna dia misotroa!+
Mitsangàna, ry andriana, ka hosory menaka ny ampinga!
6 Fa izao no nolazain’i Jehovah tamiko:
“Mandehana manendry mpitily, dia asaivo mitantara an’izay zavatra hitany izy.”
7 Dia nahita kalesin’ady tarihin’ny soavaly roa izy,Sy kalesin’ady tarihin’ny ampondra,Ary kalesin’ady tarihin’ny rameva.
Dia nanara-maso tsara izy sady nijery tsara.
8 Dia niantsoantso toy ny liona izy hoe:
“Mijoro mandritra ny andro eto amin’ny tilikambo fiambenana aho, Jehovah ô,Ary mijanona eto amin’ny toeram-piambenako aho isak’alina!+
9 Jereo ireny tonga ireny!
Ireny misy lehilahy mitaingina kalesin’ady tarihin’ny soavaly roa!”+
Dia niteny izy hoe:
“Nianjera, nianjera i Babylona!+
Natontany tamin’ny tany daholo ny sary sokitra nataony andriamanitra, ka potipotika!”+
10 Ry vahoakako voahosihosy toy ny varimbazaha,Ry vokatra* avy eny amin’ny famoloana!+Notantaraiko taminareo izay henoko tamin’i Jehovah Tompon’ny tafika, ilay Andriamanitry ny Israely.
11 Ny fanamelohana an’i Doma:*
Misy miantso ahy avy any Seira,+ hoe:
“Ry mpitily ô! Aiza ho aiza amin’ny alina isika izao?
Ry mpitily ô! Aiza ho aiza amin’ny alina isika izao?”
12 Dia hoy ny mpitily:
“Efa ho tonga ny maraina, ary ho tonga koa ny alina.
Raha te hanontany ianareo, dia manontania.
Tongava indray e!”
13 Ny fanamelohana ny lemaka karakaina:
Any anaty ala eny amin’ny lemaka karakaina no hatorianareo,Ry andian’olona avy any Dedana.+
14 Mitondrà rano hitsenana an’izay mangetaheta,Ry mponin’i Tema,+Dia mitondrà mofo ho an’izay mandositra.
15 Fa nandositra sabatra izy ireo, dia sabatra efa voatsoaka tao anaty tranony,Sady nandositra tsipìka efa vonona hitifirana,* sy nandositra ady mahatsiravina.
16 Fa izao no nolazain’i Jehovah tamiko: “Ato anatin’ny herintaona, hoatran’ny taona iasan’ny mpikarama,* dia tsy hanana voninahitra intsony i Kedara.+
17 Ho vitsy kely sisa no ho tavela amin’ireo mpandefa tsipìka amin’ny miaramilan’i Kedara, fa i Jehovah Andriamanitry ny Israely no efa niteny.”
Fanamarihana
^ Angamba ny faritr’i Babylonia fahiny.
^ Abt: “ny andilako hanaintaina be.”
^ Abt: “zanaka.”
^ Midika hoe “Fahanginana.”
^ Na: “efa naforitra.” Abt: “efa nohitsahina.”
^ Na: “isaina tsara araka ny fanaon’ny mpikarama”, izany hoe ao anatin’ny herintaona katroka.
