Nafahana avy tany am-ponja ny Ranabavy Nataliya Sharapova, any Rosia, tamin’ny 4 Oktobra 2024. Voaheloka higadra telo taona izy, tamin’ny 10 Jolay 2024. Efa vita ny saziny, satria efa ho roa taona izy no notanana am-ponja vonjimaika talohan’ny nitsarana azy.

Hoy i Nataliya nandritra ny fitsarana azy: “Manana anadahy sy rahavavy tsy mivadika be dia be aho, dia manome toky ahy ry zareo hoe tia ahy. Izao no notenenin’i Jesosy: ‘Raha mifankatia ianareo, dia izany no hahafantaran’ny olona rehetra fa mpianatro ianareo.’ (Jaona 13:35) Na inona na inona nataoko hatramin’izay dia ny fitiavana foana no nahatonga ahy hanao an’ilay izy, ary tsy hiova amin’izany mihitsy aho.”

Tafaraka indray izao i Nataliya sy ny fianakaviany. Matoky isika hoe ‘ho tia sy tsy hivadika’ amin’i Nataliya sy ny mpanompony tsy mivadika rehetra foana i Jehovah.​—Salamo 59:16, 17.