Dan Labib, ena bann konsey ki ranpli ar sazes pou nou lavi toulezour. Si ou lir ek medit lor la regilierman ek aplik seki ou aprann, ‘ou pou reisi dan seki ou fer.’ (Zozwe 1:8; Psom 1:1-3) Ou pou kapav osi konn Bondie ek so Garson, Zezi, ek sa konesans-la kapav fer ou gagn lavi eternel.​—Zan 17:3.

Dan ki lord ou ti pou kontan lir bann liv Labib? Ou ena plizir opsion. Sa program lektir Labib la kapav ed ou pou lir bann liv Labib dan lord ki zot ete ouswa par tem. Par exanp, ou kapav lir sertin parti ki dekrir relasion ki Bondie ti ena avek bann Izraelit. Ou kapav lir lezot parti pou aprann kouma lasanble Kretien dan premie siek ti forme ek ti grandi. Si ou lir enn group sapit sak zour, ou pou kapav lir Labib an-antie dan enn an.

Si ou pe rod enn program pou lir Labib toulezour, enn program pou lir Labib dan enn an, ouswa enn program pou koumans lir Labib pou premie fwa, sa program-la pou ed ou. Download sa program lektir Labib ki ou kapav print la, ek koumanse azordi mem.