LARTIK KOUVERTIR | BANN TEMWIN ZEOVA—KISANNLA ZOT ETE?
Kifer Nou Prese?
Kitfwa seki plis montre ki nou diferan ar lezot relizion, se predikasion ki nou fer dan lemond antie. Nou prese lakaz-lakaz, dan bann plas piblik, ek partou kot ena dimounn. Kifer nou prese?
Bann Temwin Zeova prese pou donn laglwar Bondie ek pou fer konn so nom. (Ebre 13:15) Nou prese osi parski nou anvi obeir Zezi. Li ti donn sa lord-la: ‘Al dan tou bann pep ki ena ek fer zot vinn mo bann disip; montre zot met anpratik tou seki mo finn komann zot.’—Matie 28:19, 20.
Anplis, nou kontan nou prosin. (Matie 22:39) Biensir, nou rekonet ki laplipar dimounn ena zot krwayans ek pa tou ki interese avek nou mesaz. Malgre sa, nou panse ki lansegnman ki ena dan Labib kapav sap lavi bann dimounn. Se akoz sa, parey kouma bann Kretien premie siek, nou kontign ‘ansegn ek proklam Bonn Nouvel Zezi Kris.’—Zistwar Bann Apot 5:41, 42.
Sosiolog Antonio Cova Maduro ti ekrir ki “bann Temwin Zeova pran lapenn ek fer boukou zefor, parfwa mem ziska zot extra fatige . . . pou ki bann Lekritir sakre ariv dan landrwa pli lwin lor later.”—Zournal El Universal, Vénézuéla
Laplipar dimounn ki lir nou bann piblikasion zot pa Temwin Zeova. Ek bann milyon dimounn ki etidie Labib avek nou, ena zot prop relizion. Kanmem sa, zot bien apresie ki bann Temwin Zeova vinn get zot.
Kitfwa ou ena lezot kestion konsernan bann Temwin Zeova. Pou gagn repons, nou invit ou pou
-
Demann sa enn Temwin Zeova.
-
Vizit nou sit www.isa4310.com.
-
Asiste nou bann renion ki gratis ek kot piblik kapav vini.
Ena Osi
KESTION KI POZE SOUVAN
Eski Bann Temwin Zeova Krwar ki Zis Zot Tousel ki Pou Sove?
Labib explike kisannla ena posibilite pou gagn lavi sov.
KESTION KI POZE SOUVAN
Kouma Bann Temwin Zeova Konsider Lezot Relizion?
Examine kouma kapav rekonet bann vre Kretien par zot tolerans.
