Lanwit avan li donn so lavi, Jésus ti dir so bann fidel disip rapel ouswa komemor so sakrifis. Li ti servi dipin san levin ek divin rouz ki ti devan zot pou etabli seki boukou apel Lasint Senn ouswa Repa Nou Segner, ek li ti donn zot sa lord-la: “Kontign fer sa an mo memwar.”​—Luc 22:19.

Sak lane, bann Temwin Jéhovah dan lemond antie rasanble pou komemor sa levennman-la dat ki Jésus inn mor. An 2014, Memoryal pou tom Lindi le 14 Avril, apre kouse soley.

Ou invite pou asiste sa renion-la. Pandan diskour ou pou gagn plis ransegnman lor sinifikasion lamor Jésus. Pa bizin peye pou asiste sa levennman-la ek pa pas okenn laket. Sa dimounn ki’nn donn ou sa magazinn-la kapav dir ou ki ler ek kotsa pou fer Memoryal dan ou rezion, ouswa ou kapav al lor nou sit, jw.org. Silvouple, ekrir sa dat-la kit par, ek nou espere ki ou pa pou rat sa lokazion-la.