Se seki enn lekip siantifik internasional finn dir dan zot konklizion konsernan sanzman klimatik. Si ou krwar ki ena enn Kreater ki gagn traka bann imin, sa konklizion siantifik la kapav fer ou rapel ki Bondie inn kree nou planet dan enn fason kot li kapav geri li par limem.

Selman, akoz bann imin inn telman fer bann dega lor later, nou planet pa pou kapav repar li par limem. Me kifer nou kapav sir ki Bondie pou azir ek pou fer kitsoz pou later?

Get bann verse ki ena dan lankadre ki donn nou lasirans ki later pou sirviv ek mem pou prospere.

• Se Bondie ki finn kree nou planet. “O-koumansman, Bondie ti kree lesiel ek later.”—Zenez 1:1

• Se Bondie ki proprieter nou planet. ‘Lemond ek tou seki ena ladan zot pou Zeova a.’—Psom 24:1.

• Bondie inn kree nou planet pou ki li sirviv. “Li finn poz later lor so bann fondasion; zame, wi zame li pa pou bouze depi so plas.”—Psom 104:​5, NW.

• Bondie promet ki touletan pou ena lavi lor later. “Vre Bondie, sa Kikenn ki’nn form later, . . . pa’nn kree li pou nanye, me ki’nn form li pou ki dimounn res lor la.”—Izai 45:18.

• Bondie promet ki bann imin pou res lor later pou touletan. “Bann ki swiv bon sime pou posed later e viv lor la pou touletan.”—Psom 37:29.

Bondie inn kree later dan enn fason kot bann dimounn kapav profit lavi san ki zot andomaz later. Labib predir ki Bondie Zeova pou tir tou bann dimounn ki pe detrir later dan ler ki Li’nn swazir.—Revelasion 11:18.

Labib promet ki lerla Bondie pou fer nou planet vinn enn zoli paradi ki pou an bonn sante, ek Li pou ouver So lame pou “tou kreatir rasazie e satisfe.”—Psom 145:16.