Nou tou nou ena enn sertenn kantite letan pou nou fer nou letid personel. Kouma nou kapav servi bien sa letan-la? Premierman, fode pa to prese. To pou gagn pli boukou bienfe si to pran to letan pou etidie bien enn size an partikilie, olie ki to lir vit-vit enn ta kitsoz.

Apre sa, deside ki kitsoz pli inportan pou to etidie. (Efe. 5:15, 16) Anou get de-trwa sizesion:

• Lir to Labib toulezour. (Ps. 1:2) To kapav koumans par lir bann sapit ki nou pou etidie dan nou renion lasemenn.

• Prepar to Latour Degard Letid ek to renion lasemenn. Prepar twa bien pou ki to kapav reponn dan renion.​—Ps. 22:22.

• Esey res azour avek bann lezot kitsoz ki lorganizasion done, kouma par exanp bann magazinn pou piblik, bann video, ek bann lartik ki sorti lor jw.org.

• Etidie enn size ki interes twa. To kapav fer bann resers lor enn difikilte ki to pe gagne, lor enn kestion ki to anvi gagn so repons, ouswa lor enn size Biblik ki to anvi konpran pli bien. Si to anvi gagn bann lide, to kapav al dan seksion « Explore la Bible ! » lor jw.org.