Kan nou lir Labib, nou kapav fer bann resers pou ki nou konpran pli bien seki nou pe lir. Selman, nou pa fer bann resers zis pou ogmant nou konesans lor Labib. Nou anvi aprann plis lor bann zoli kalite ki Zeova ena pou ki sa ogmant nou lamour pou Li. Pou ki nou kapav fer sa, nou kapav demann nou-mem, ‘Ki sa pasaz-la aprann mwa lor Zeova?’

Par exanp nou kapav aprann plis lor bann kalite ki Zeova ena kouma lamour, lasazes, lazistis, ek pwisans. Me ena osi bann lezot zoli kalite ki Zeova ena. Kotsa nou kapav rod sa?

To kapav trouv plis ki 50 lezot kalite dan Index des publications des Témoins de Jéhovah anba soutit “Jéhovah” ek soutit “Qualités par nom.” Rod bann kalite ki mansione dan to lektir Labib. (Si to ena Liv Resers pou Bann Temwin Zeova, rod soutit “Bondie Zeova” ek apre sa soutit “Bann Kalite Zeova.”)