Seki Zezi Ti Fer

Ki To Kapav Aprann ar Lexanp Zezi?

2. Kan to ansegn dan enn fason sinp, to etidian pou rapel seki to’nn ansegn li ek to pou reisi tous so leker.

 Swiv Lexanp Zezi

3. Pa koz tro boukou. Olie ki to dir tou seki to kone lor size ki zot pe etidie, res konsantre lor seki ena dan liv-la. Kan to poz enn kestion, ena pasians ek donn li letan pou reponn. Si li pa konn repons-la, ouswa si li dir enn kitsoz ki pa an-akor avek Labib, poz li lezot kestion ki pou ed li trouv repons la. Kan li’nn konpran pwin inportan la, pas lor prosin pwin.

4. Pou ed to etidian konpran bann nouvo kitsoz, servi seki li deza kone. Par exanp, avan to koz lor rezireksion ar to etidian, to kapav revinn lor seki li’nn deza aprann konsernan seki ariv bann dimounn kan zot mor.

5. Swazir bien to bann lexanp. Avan to servi enn lexanp, demann tomem:

1.    ‘Eski lexanp-la sinp?’

2.   ‘Eski mo etidian pou konpran li fasilman?’

3.   ‘Eski lexanp-la pou ed li pou konpran pwin inportan la, ouswa eski li pou rapel zis lexanp-la?’