Izai 64:1-12
64 Si selman to ti’nn desir lesiel ek desann,Ek to ti fer bann montagn tranble akoz twa,
2 Si selman to ti desann kouma enn dife ki pran dan bann ti dibwa sek,Ek dife ki fer delo bwi,Lerla to bann lennmi ti pou konn to nom,Ek bann pep ti pou tranble devan twa!
3 Kan to ti fer bann kitsoz inpresionan ki nou pa ti mem espere pou arive,To ti desann, ek bann montagn ti tranble devan twa.
4 Depi lepok lontan zame personn pa’nn tann sa ouswa ekout sa,Ni okenn dimounn pa’nn trouv okenn lot Bondie apart twa,Ki azir dan faver bann ki kontign atann li.*
5 To’nn zwenn bann ki kontan fer seki drwat,Bann ki rapel twa ek swiv to bann semin.
Gete! To ti ankoler parski nou ti pe kontign fer pese,Nou ti fer sa pandan enn bon bout letan.
Kifer bizin sap nou aster-la?
6 Nou tou nou’nn vinn kouma enn kikenn ki inpir,Ek tou bann aksion drwat ki nou’nn ferInn vinn koumadir enn sifon ki’nn tase ar disan peryod.
Nou tou nou pou sek parey kouma enn fey,Ek nou bann erer pou pran nou pou ale kouma divan.
7 Pena personn ki pe loue* to nom,Ek personn pa pe fer zefor pou rod to led,Parski to’nn vir to figir ar nou,Ek to’nn fer nou deperi* akoz* nou erer.
8 Me aster-la, A Zeova, tomem nou Papa.
Nou, nou larzil ek twa to nou Potie;*Ek to lame mem ki’nn fer nou tou.
9 Pa tro ankoler, A Zeova,Ek pa rapel nou bann erer pou touletan.
Silteple, get nou, parski nou tou nou to pep.
10 To bann lavil ki sin inn vinn enn dezer.
Sion inn vinn enn dezer,Zerizalem inn vinn enn landrwa ki’nn abandone.
11 Nou lakaz* ki sin ek zoli,*Kot nou bann anset ti loue twa,Inn brile ar dife,Ek tou bann kitsoz ki nou ti bien kontan inn detrir.
12 A Zeova, devan tousala, eski to pou kontigne pa fer nanye?
Eski to pou res trankil ek les nou soufer sa kantite-la?
Not
^ Ouswa “kontign atann li avek pasians.”
^ Lit., “apel.”
^ Lit., “fonn.”
^ Lit., “dan lame.”
^ Ouswa “sa Kikenn ki’nn form nou la.”
^ Ouswa “tanp.”
^ Lit., “ek ki ranpli ar laglwar.”
