Izai 45:1-25
45 Ala seki Zeova dir ar sa kikenn ki li’nn swazir la, Siris,Sa dimounn ki mo’nn trap so lame drwat laPou soumet tou bann nasion devan li,Pou tir tou bann zarm ar* bann lerwa,Pou ouver bann laport de batan devan li,Koumsa bann laport lavil pa pou ferme:
2 “Mo pou mars devan twa,Ek mo pou fer bann kolinn vinn plat.
Mo pou kraz bann laport an kwiv,Ek mo pou kas bann bar feray.
3 Mo pou donn twa bann trezor ki dan nwarEk bann trezor ki dan bann plas kasiet,Pou ki to kone ki momem Zeova,Bondie Izrael, ki pe apel twa par to nom.
4 Akoz mo serviter Zakob ek Izrael sa kikenn ki mo’nn swazir la,Mo pe apel twa par to nom.
Mo pe donn to nom loner, mem si to pa’nn konn mwa.
5 Momem Zeova, ek pena enn lot ankor.
Apart mwa pena okenn Bondie.
Mo pou fortifie twa,* mem si to pa’nn konn mwa,
6 Pou ki bann dimounn koneDepi soley leve ziska soley kouse*Ki pena personn apart mwa.
Momem Zeova, ek pena enn lot ankor.
7 Mo fer lalimier ek mo fer nwarte,Mo fer ki ena lape ek mo fer maler arive;Mwa, Zeova, momem ki fer tou sa bann kitsoz-la.
8 A lesiel, fer lapli tonbe depi lao;Fer bann niaz devers lazistis.
Fer ki later ouver ek prodir delivrans,Ek ki li fer lazistis pouse anmemtan.
Mwa, Zeova, ki’nn kree sa.”
9 Maler lor sa dimounn ki diskit ar sa Kikenn Ki’nn Fer* li la,Parski li zis enn bout resipian laterParmi bann lezot bout resipian later ki’nn fane anba!
Eski larzil pou dir Potie-la:* “Ki to pe fer?”
Ouswa eski travay ki li’nn fer pou dir: “Li pena lame”?*
10 Maler lor sa kikenn ki dir enn papa: “Ki kalite zanfan to’nn fer?”
Ek ar enn fam: “Ki kalite zanfan to pe donn nesans?”*
11 Ala seki Zeova dir, sa Kikenn Ki Sin dan Izrael la, sa Kikenn ki’nn form li la:
“Kouma eski zot ena toupe pou poz mwa kestion lor bann kitsoz ki pe viniEk donn mwa lord konsernan mo bann garson ek travay ki mo lame inn fer?
12 Mo’nn fer later ek mo’nn kree zom ki lor la.
Mo’nn tal lesiel avek mo prop lame,Ek mo’nn donn bann lord tou so larme.”
13 “Parski mo enn kikenn ki drwat, mo’nn pous enn zom pou azir,Ek mo pou fer tou so bann semin vinn drwat.
Limem sa kikenn ki pou ranz mo lavil laEk liber mo bann dimounn ki’nn deporte san ki demann enn pri ouswa enn brayb,” ala seki Zeova Sef bann larme dir.
14 Ala seki Zeova dir:
“Bann profi* Lezip ek bann marsandiz* Letiopi ek bann Sabeen, bann zom ki bien ot,Pou vinn kot twa ek zot pou vinn pou twa.
Zot pou mars deryer twa atase ar lasenn.
Zot pou vini ek zot pou prostern devan twa.
Avek respe zot pou dir twa, ‘Vremem Bondie avek twa,Ek apart li pena enn lot; pena enn lot Bondie.’”
15 Vremem to enn Bondie ki pa touletan fer kone seki li pe fer,A Bondie Izrael, twa ki enn Sover.
16 Zot tou pou gagn onte ek pou imilie zot;Tou bann ki fer bann zidol pou ale avek dezoner.
17 Me Zeova pou delivre twa Izrael, pou touletan.
To pa pou gagn laont ouswa dezoner pou touletan.
18 Parski ala seki Zeova dir,Kreater lesiel, vre Bondie,Sa Kikenn ki’nn form later la, sa Kikenn Ki’nn Fer li la ek ki’nn etabli li dan enn fason solid,Ki pa’nn kree li pou nanye,* me ki’nn form li pou ki dimounn res lor la:
“Momem Zeova, ek apart mwa pena enn lot.
19 Mo pa’nn koz depi enn plas kasiet, dan enn pei kot fer nwar;Mo pa’nn dir desandans Zakob,‘Rod mwa pou nanye.’*
Momem Zeova, ki dir bann kitsoz ki drwat ek ki proklam lazistis.
20 Rasanble ansam ek vini.
Zot tou ansam koste, zot ki’nn sape parmi bann nasion.
Bann ki sarye bann zidol skilpte pa konn nanyeEk zot priye enn bondie ki pa kapav sap zot.
21 Koze ek prezant zot ka.
Wi, rod konsey ansam dan linite.
Kisann-la inn predir sa depi bien lontan,Ek ki’nn anons sa depi lepok lontan?
Eski se pa mwa, Zeova?
Pena enn lot Bondie apart mwa;Enn Bondie ki drwat ek enn Sover, pena personn apart mwa.
22 Retourn ar mwa ek gagn lavi sov, zot tou ki partou lor later,Parski momem Bondie, ek apart mwa pena enn lot.
23 Mo’nn fer serman;Parol ki’nn sorti dan mo labous li vre,Ek li pa pou retourne:
Tou dimounn pou azenou devan mwa,Tou dimounn pou fer serman ki li fidel ar mwa,
24 Ek dir, ‘Vremem dan Zeova ena vre lazistis ek lafors.
Tou bann ki bwi ar koler kont li pou vinn devan li ar laont.
25 Gras-a Zeova, pou konsider tou bann desandan Izrael kouma bann dimounn ki drwat,Ek zot pou fier akoz li.’”
Not
^ Lit., “tir sintir dan lerin.”
^ Lit., “Mo pou met sintir otour to lerin ek mo pou ser li.”
^ Ouswa “Depi Les ziska Lwes.”
^ Ouswa “form.”
^ Ouswa “sa Kikenn ki’nn form li la.”
^ Ouswa kitfwa, “Ouswa eski larzil pou dir: ‘To travay pena lamans’?”
^ Ouswa “Ki kitsoz pe fer twa gagn douler lakousman?”
^ Ouswa kitfwa, “Bann travayer.”
^ Ouswa kitfwa, “bann marsan.”
^ Ouswa kitfwa, “pou ki li vid.”
^ Ouswa “dan vid.”
