Ũrĩa ũũmba kũgunĩka nkũrũki kuumania na iuku rĩrĩ rĩa kwiritana Bibiria
Mbere cũnkũũna mantũ jaja jakwonania jarĩa jarĩku, rĩu Ũtege VIDIO.
GĨCUNCĨ KĨA MBERE
Nĩkenda ũthuranĩra o kĩthoomo, thooma gacuncĩ ka mbere. Biũria birĩa biandĩki na rangi ĩndito (A) o amwe na Maandĩko (B) biriinyĩĩria mantũ jarĩa jagũciumĩria. Ũkoona Maandĩko jamwe jaandĩki “thooma.”
GĨCUNCĨ KĨA GATĨGATĨ
Biugo bia kwambĩrĩria kĩrĩ (C) Ĩnja Nkũrũki birĩtaarĩĩria jarĩa jathingatĩte. Biongo birĩa iniini (D) birĩonania jarĩa jakaarĩĩrua. Bũrĩ amwe na mwarimũ waaku, thooma Maandĩko, ũcookie biũria, na ũtege vidio.
Tũthandũkũ tũrĩa twandĩki VIDIO tũrĩkwerekeria kĩrĩ vidio irĩa irĩna mantũ nkũrũki jegie birĩa bũkwarĩĩria. Vidio imwe irĩonania ngono cia mma. Ĩngĩ irĩonania ĩtinda rĩegie mantũ ona kinya antũ bakũthũgaanĩrua, ĩndĩ ikĩonanagaia mantũ jongwa jarĩa jakũgwata antũ.
Tega mbica bwega na biugo bia gwitarĩĩria (E), na ũthũgaanie ũrĩa ũũmba gũcookia kĩrĩ Antũ Bamwe Baugaga (F).
GĨCUNCĨ KĨA MŨTHIA
Njĩra Ĩnkuĩ na Gũcookera (G) nĩbio bikũthirĩkĩ ĩria kĩthoomo. Kĩthoomo kĩathira andĩka tarĩki. Mworoto (H) jũrĩkwaa ũntũ bwa kũritĩra ngũgĩ. Kĩrĩ kĩongo Cũnkũũna (I) kũrĩ na mantũ nkũrũki jarĩa ũũmba kũthooma kana gũtega kĩrĩ vidio.
Jarĩa jarĩku
|
|
|
|
Ũrĩa ũũmba gũcwaa tũcuncĩ kĩrĩ Bibiria
Bibiria ĩrĩna mauku jamaniini 66. Ĩgaanĩtue incuncĩ biĩrĩ: Maandĩko ja Kĩhibirania na Kĩharamu (“Kĩrĩĩkanĩro Gĩĩkũrũ”) na Maandĩko ja Kĩgiriki ja Gĩkristũ (“Kĩrĩĩkanĩro Gĩkĩerũ”).
Rĩrĩa ĩandĩko rĩagwetwa kĩrĩ iuku rĩrĩ, rĩambagia na riĩtwa rĩa iuku rĩa Bibiria (A), rĩkathingatwa nĩ mũrango (B), na mũstaarĩ kana mĩstaarĩ (C).
Ngerekano, Johana 17:3 ĩrĩonania iuku rĩa Johana, mũrango jwa 17, mũstaarĩ jwa 3.
