KĨTHOOMO KĨA 43
Nĩatĩa Bibiria Yugaga Bwegie Kũnyua Ncobi?
Nthĩgũrũne yonthe, antũ nĩbethagĩrwa na maoni mwanya mwanya jegie ncobi. Bamwe nĩbathuuraga kwĩthĩrwa na ĩgiita rĩa kũnyua ncobi amwe na acoore baao. Bangĩ nĩbathuuraga kũrega kũmĩtumĩra buru. Amwe nou, bamwe nĩbanyuyaga ncobi mwanka bakogiita. Nĩatĩa Bibiria yugaga bwegie ncobi?
1. Rĩ, nĩ bũũthũũku kũnyua ncobi?
Bibiria ĩtĩmenagĩĩria ũnyui bwa ncobi. Mwanya nou, rĩrĩa Bibiria ĩkwarĩĩria biewa bibingĩ bĩrĩa Mũrungu atwete, nĩgwetaga kinya, “ndivei nayo iria igwiragia nkoro ya muntu.” (Zaburi 104:14, 15) Antũ arũme na antũ aka bamwe etĩkua, barĩa bagweti Bibiriene nĩbaatumagĩra ncobi.—1 Timotheo 5:23.
2. Nĩ ũtaaro bũrĩkũ Bibiria ĩejaga barĩa bathuuraga kũnyua ncobi?
Jehova namenagĩĩria ũnyui bwa ncobi gũkũrũkithia kĩthimi na wogiiti. (Agalatia 5:21) Rũteto rwawe rugaga: “Ukeeja kwithirwa uri kiri baria banyunyaga ncobi.” (Njuno 23:20) Kwou, kethĩra tũkathuura kũnyua ncobi—kinya rĩrĩa tũtĩkwonwa nĩ bangĩ—tũtĩbuĩrĩte kũnyua mono tũremwa kũthũgaania bwega, tũremwa kũrigĩĩria biugo bietũ na mathithio jeetũ, kana kũmenyeera ũgima bwetũ bwa mwĩrĩ. Kethĩra tũtĩũmba kwirigĩĩria rĩrĩa tũkũnyua ncobi, nĩtũbuĩrĩte kũthuura gũtigana nayo buru.
3. Nĩatĩa tũũmba gũtĩĩa matua ja bangĩ jegie ncobi
O muntũ no mwanka athuure kethĩra akanyua ncobi. Tũtĩbuĩrĩte kũgambithia muntũ ũngĩ athuura kũnyua ncobi ĩnkai, na tũtĩbuĩrĩte gũkinyĩĩria ũngĩ anyua kethĩra atĩkwenda. (Aroma 14:10) Nĩtũthuuraga kũrega kũnyua ncobi kethĩra kũthithia ũu, gũkaretera antũ bangĩ mathĩĩna. (Thooma Aroma 14:21.) Tũtĩcwaga ‘mantu ja gutuguna twinka, indi nkuruki tucwaga mantu ja kuguna atuuri betu.’—Thooma 1 Akorintho 10:23, 24.
ĨNJA NKŨRŨKI
Cũnkũũna moritani ja Bibiria jarĩa jomba gũgũtethia kũthuura kethĩra ũkanyua ncobi, na nĩ ĩng’ana ũkanyua. Iritane kinya ũrĩa ũũmba kũthithia kethĩra nũkũrwa na mathĩĩna jegie kũnyua ncobi.
4. Thuura kethĩra ũkanyua ncobi
Jesũ aarĩ na maoni jarĩkũ jegie kũnyua ncobi? Kenda wona ĩcookio, ona kĩama kĩa mbere kĩrĩa aaringĩre. Thooma Johana 2:1-11, rĩu bwarĩĩrie biũria bibi:
-
Kuumania na kĩama gĩkĩ, nĩatĩa tũũmba kwiritana bwegie maoni ja Jesũ jegie ncobi, na barĩa bamĩnyunyaga?
-
Tontũ Jesũ aatamenererie kũnyua ncobi, nĩatĩa Akristũ babuĩrĩte kwona muntũ ũrĩa wathuura kũmĩnyua?
Amwe na bũu, kinya kethĩra Mũkristũ arĩna ũciathi bwa kũnyua ncobi, tĩkuuga rĩonthe nĩbwega kũmĩnyua. Thooma Njuno 22:3, rĩu ũthũgaanĩrie ũrĩa mantũ jaja jathingatĩte jomba gũgũtethia kũthuura kethĩra ũkanyua ncobi:
-
Ũgetĩthia ngarĩ kana ũtumĩre macini.
-
Ũrĩna ĩu.
-
Ndagitarĩ nakũrombete ũtĩkanyue ncobi.
-
Nwĩthĩrĩtwe na thĩĩna ya kwirigĩĩria kũnyua ncobi ĩnyingĩ.
-
Waatho bwa nthĩ yeenu bũtĩgwĩtĩkĩĩria ũnyua ncobi
-
Nwĩthĩrĩtwe amwe na muntũ ũthuurĩte gũtigana na ncobi tontũ karaaja naarĩ na mathĩĩna ja gũtigana nayo
Rĩ, ũgetĩkĩĩria kwĩthĩrwa na ncobi kĩathone kĩa mũranũ kana biathone bingĩ bia kwigwĩria? Kenda wona nĩmbi biũmba gũgũtethia gũtua ĩtua rĩu, tega VIDIO.
Thooma Aroma 13:13 na 1 Akorintho 10:31, 32. Nyuma ya kũthooma o ĩandĩko, arĩrieni kĩũria gĩki:
-
Nĩatĩa gũtumĩra ũritani bũbũ bwa Bibiria kũũmba gũgũtethia gũtua ĩtua rĩrĩa rĩũmba kũgwĩria Jehova?
O Mũkristũ athuuraga we wengwa kethĩra akanyua ncobi kana atĩmĩnyua. Kinya kethĩra magiita jamwe no anyue ncobi, magiita jangĩ no athuure kũrega kũmĩnyua
5. Thuura nĩ ncobi ĩng’ana ũkanyua
Kethĩra ũkathuura kũnyua ncobi, riikana ũntũ bũbũ: Kinya kethĩra Jehova atĩmenagĩĩria kũnyua ncobi, namenagĩĩria kũnyua gũkũrũkithia kĩthimi. Nĩkĩ? Thooma Hosea 4:11, 18, na bwarĩĩrie kĩũria gĩkĩ:
-
Nĩatĩa kũũmba gũkarĩka rĩrĩa muntũ anyua ncobi ĩnyingĩ mono?
Nĩatĩa tũũmba gũciebania na kũnyua ncobi ĩnyingĩ? Nĩtũkũbatara kwĩthĩrwa na kĩthimi, kana kũmenya mĩanka yeetũ. Thooma Njuno 11:2, rĩu bwarĩĩrie kĩũria gĩkĩ:
-
Nĩkĩ bũrĩ ũntũ bũbwega gũciĩkĩra mĩanka mĩnna yegie nĩ ncobi ĩng’ana ũkanyua?
6. Ũrĩa ũũmba gũcinda ũtumĩri bũthũũku bwa ncobi
Ona nĩmbi bĩatetherie muntũ mũrũme ũmwe gũtigana na ũtumĩri bũthũũku bwa ncobi. Tega VIDIO, rĩu bwarĩĩrie biũria bibi bithingatĩte.
-
Kĩrĩ vidio, nĩatĩa Dmitry aathithagia rĩrĩa ogiti?
-
Rĩ, noombĩre gũtigana na ncobi o rĩo?
-
Nĩmbi bĩamũtetherie mũthiene gũtiga kũnyua ncobi ĩnyingĩ?
Thooma 1 Akorintho 6:10, 11, rĩu bwarĩĩrie biũria bibi:
-
Nĩatĩa Bibiria yugaga bwegie wogiti?
-
Nĩmbi bikwonania atĩ muntũ ũrĩa ũtumagĩra ncobi bũũthũũku no agarũke?
Thooma Mathayo 5:30, rĩu bwarĩĩrie kĩũria gĩkĩ:
-
Kũgiita njara kũrĩonania gũtigana na mantũ manna nĩkenda tũgwĩria Jehova. Nĩatĩa ũbuĩrĩte kũthithia kethĩra nũgũciũmia gũtigana na ncobi? a
Thooma 1 Akorintho 15:33, rĩu bwarĩĩrie kĩũria gĩkĩ:
-
Kwomba kwĩthĩrwa na maumĩĩra jarĩkũ ũkeja kũgwatanĩra na antũ barĩa banyunyaga ncobi ĩnyingĩ mono?
MUNTŨ NO AŨRIE: “Nĩ bũũthũũku kũnyua ncobi?”
-
Nĩatĩa ũũmba gũcookia?
NA NJĨRA ĨNKUĨ
Jehova atwere ncobi nĩkenda tũmĩgwĩragĩrua, ĩndĩ namenagĩria ũtumĩri bwa ncobi nkũrũki ya kĩthimi na wogiti.
Gũcookera
-
Nĩatĩa Bibiria yugaga bwegie kũnyua ncobi?
-
Nĩ mogwati jarĩkũ jaumanagia na kũnyua ncobi ĩnyingĩ mono?
-
Nĩatĩa tũũmba gũtĩĩa ĩtua rĩa antũ bangĩ rĩegie kũnyua ncobi?
CŨNKŨŨNA
Nĩatĩa antũ babeethĩ bomba gũtua matua jameega jegie ncobi?
Iritane nĩ matagaaria jarĩkũ ũũmba kũjũkia nĩkenda ũcinda mathĩĩna jegie kũnyua ncobi.
“Ĩthĩrwa na Mwonere Jũmwega Jwegie Kũnyua Ncobi” (Mnara wa mlinzi, Januarĩ 1, 2010)
Rĩ, Mũkristũ nabuĩrĩte kũringithania ngilaci rĩrĩa bakũnyua gĩntũ?
“Biũria Kuuma Kĩrĩ Athoomi Beetũ” (Mnara wa Mlinzi, Februarĩ 15, 2007)
Kĩrĩ rũgono “Ndaarĩ Mũtũngi Jũtoojũraga,” ona ũrĩa muntũ mũrũme ũmwe aacindĩre rũmenyeria rwa kũnyua ncobi gũkũrũkithia kĩthimi.
a Barĩa bagwati nĩ ũkombo bwa ncobi bomba kũbatara ũtethio kuuma kĩrĩ antũ barĩa barĩ na ũtea bwa kwejana kĩrĩra kĩa kũbatethia batigana nayo. Ndagitarĩ babaingĩ baugaga atĩ, antũ barĩa beethĩrwa na mathĩĩna jegie kũnyua ncobi, batĩbuĩrĩte gũkunda kinya ntanta.
