KWAMBĨRĨRIA RWARIA
KĨTHOOMO KĨA 6
Kwaga Ũguaa
Ũritani: “Turomiiria ndene ya Murungu wetu turagwata [kubwaa] nkuma ya Murungu.”—1 Ath. 2:2
Ũrĩa Jesũ Aathithĩrie
1. Tega VIDIO ĩjĩ, kana ũthoome Luka 19:1-7. Rĩu ũcookie biũria bibi bithingatĩte:
Nĩmbi Tũkwiritana Kuumania na Jesũ?
2. Nĩtũkũbatara kwĩthĩrwa tũtĩ na ũguaa nĩkenda tũtũmĩĩrĩria antũ bonthe nkuma ĩnjega.
Igerekanie na Jesũ
3. Ĩrĩgĩĩra Jehova. Kĩrundu kĩa Mũrungu nĩkĩatetherie Jesũ gũtũmĩĩria, na kinya ũgwe no gĩgũtethie. (Mat. 10:19, 20; Lu. 4:18) Romba Jehova agũtethie nĩkenda ũũmbe gũtũmĩĩrĩria antũ barĩa ũũmba kwĩthĩrwa ũgĩkĩraga.—Math. 4:29.
4. Ũkagitĩra antũ bangĩ ĩgamba. No tũrege kwaranĩria na antũ tontũ bwa ũrĩa bakwonekana, ũrĩa barĩ na ĩgweta, ũtonga bwao, mũtũũrĩre jwao, kana tontũ bwa mantũ jarĩa betĩkĩtie. Ĩndĩ riikana:
-
Jehova na Jesũ bomba kũthooma nkoro; ĩndĩ batuĩ tũtĩũmba kũthithia ũu.
-
Tũtĩbuĩrĩte kũgiita ĩgamba atĩ kũrĩ antũ bamwe Jehova atĩũmba gũtethia.
5. Ĩthĩrwa ũtĩ na ũguaa ĩndĩ ũtumĩre ũũme na wimenyeere. (Mat. 10:16) Menya ũkararania na antũ. Kethĩra muntũ atĩkwenda kũthikĩĩra nkuma ĩnjega kana nũkwigua teka ũtĩ na ũkaria, giita rwaria na njĩra ya ũũme.—Nju. 17:14.
