XORꞸ 6
¿Jarga mbøsʼꞹ Mizhokjimi kʼo ya nrru̱u̱?
1. ¿Pje ra tsjaa Mizhokjimi?
Ma e Jesús go zⱥtrʼⱥ a Betania kja kʼe jñiñi kʼꞹ bʼɇxtrjo mi bʼꞹbʼꞹ a Jerusalén, dya kja o chøtrʼꞹ e Lázaro, ya bi kjogꞹ nziyo paa ke bi nrru̱u̱. Kjanu e Marta ñe e María o zidyibi e Jesús o ma nubi jankʼo bi dyogꞹji o ñʼinzhamabi. Ma e Jesús o tsjapꞹ ro tetrjo e Lázaro na punkjꞹ ntee go jñanrrajikʼo. ¿Pje i̱ mange? ¿Jama zoʼo e Marta ñe e María ma go jñanrrabi nu ñʼinzhomꞹbi? Xorꞹge kja Juan 11:21-24, 38-44.
E Marta mi pa̱ra̱ pje kjogꞹ ma ri tu̱ji ñe mi pa̱ra̱ kʼꞹ e Mizhokjimi ra xosꞹ yo ya nrru̱u̱ ngekʼua ra mimiji kja ne Xoñijomꞹ. Xorꞹge kja Job 14:14, 15.
2. ¿Ja je bʼꞹnjidya yo ntee yo ya nrru̱u̱?
E Mizhokjimi go xipji e Adán: “Ro ⱥtrʼkʼe ko jomꞹ ngekʼua ma ra zⱥdʼⱥ ri chu̱ge nrro ri zhogꞹtrjo kja jomꞹ” (GÉNESIS 3:19)
E Mizhokjimi go dyⱥtrʼⱥ e Adán ko jomꞹ (Génesis 2:7; 3:19). Dya ri pɇsʼiji aljma ke ra mbesʼe ma ri tu̱ji. Ma ra tu̱goji dya kja ra bʼꞹbʼꞹ kʼꞹ pje ra mbeñeji, dya bʼꞹbʼꞹ jankʼo ra moji o pje kʼo ra kjaji, dya kja bʼꞹbʼꞹ pje kʼo ra soji. Ma e Jesús go tsjapꞹ ro mimi na yee e Lázaro dya pje go mama jango go ma supjre o ma xi ma bʼꞹbʼꞹ jango me ma zøø. Xorꞹge kja Salmo 146:4; Eclesiastés 9:5, 6, 10.
Kja ne Biblia mama ke yo ntee kʼo ga nrru̱u̱ dya kja pje soji. Ma ga tu̱u̱ dʼa ntee, e Mizhokjimi dya kjapꞹ ra ma supjre kja linpjiernu. E Jehová dya nee ke ra kreojikʼo, dya ga kjuanakʼo. E Mizhokjimi dya soo ra tsjaakʼo nange me sʼiyazgoji. Ma ri tu̱ji dya ri paa supjreji kja ñixgua, e Jehová dya ga zoʼo na joo ke yo ntee ra manjikʼo. Xorꞹge kja Jeremías 7:31.
Jñanrra ne video ¿Cuál es el estado de los muertos?
3. Yo ya nrru̱u̱, ¿soo ra xitsigoji pje ra kjaji?
Ne Biblia mama ke yo ntee kʼo ya nrru̱u̱ dya kja soo ra ñaji ñe dya kja soo ra dyⱥrⱥji yo ri ñagoji (2 Pedro 2:4). Pe yo demonio kjaji ke ra nuji kʼe ntee kʼꞹ ya nrru̱u̱ ga kjanu yo ntee ra manji ke yo ntee yo ya nrru̱u̱ xe bʼꞹntrjoji (Salmo 115:17). Bʼꞹbʼꞹ ntee manji soo ra mbøxkʼꞹge ma pje kʼo dya go xitsʼige kʼe ntee ke go nrru̱u̱, pe gi nee ri pa̱ra̱. Nge yo demonio kʼo ñaji dya nge kʼe ntee kʼꞹ go nrru̱u̱ ngekʼua e Jehová mama ke dya ga joo ke ri jyodʼꞹge na ntee kʼꞹ ra mbøxkʼꞹ ri ñage ko kʼe ntee kʼꞹ ya nrru̱u̱. Xorꞹge kja Deuteronomio 18:10, 11.
4. ¿Pje ma ntee ra xosꞹ e Mizhokjimi ngekʼua ra yepe ra mimiji?
E Mizhokjimi Jehová ra xosꞹ na punkjꞹ ntee kʼo o dyⱥtⱥji angeze, xo ra xosꞹ na punkjꞹ ntee kʼo o tsjaji kʼo ma sʼoo nange dya go mba̱ra̱ji pje mama ne Biblia ngekʼua ra minjiba kja ne Xoñijomꞹ. Xorꞹge kja Hechos 24:15.
Kʼo ntee kʼo dya go mba̱ra̱ji Kjimi, kja ra jichijima kjo ngeje e Jehová xo ra jichiji pje nee e Jehová ke ra tsjaji (Apocalipsis 20:11, 12). Ma ra dyⱥtⱥji ñe ra tsjaji kʼo mama e Jehová ñe e Jesús ra minji texe yo paa kja ne Xoñijomꞹ. Xorꞹge kja Juan 5:28, 29.
5. ¿Pjenga e Jehová ra xosꞹ kʼo ya nrru̱u̱?
E Jehová me nezgoji, nuu ke me sichʼi in mꞹbʼꞹgoji ma ga tu̱u̱ dʼa in pjamiliaji ngekʼua go mbejñe o trʼii kja ne Xoñijomꞹ, go ne̱e̱ nrru̱u̱, akjanu go ngo̱trʼꞹ in nzhubꞹji. Ngekʼua texe kʼo ya nrru̱u̱ ra yepe ra mimiji na yeje. Ma texe kʼo ya nrru̱u̱ ra nangaji ñe ra minji na yeje, ¿kjo gi nee ri jñanrrage? Xorꞹge kja Juan 3:16; Romanos 6:23.
