XØRꞸ 25
¿Ja ga nee Mizhokjimi ke ra minkʼøji kja ne xoñijomꞹ?
Ne Biblia mama ke yo ntee “ngextrjo mimi janzi kjɇɇ ñe pɇsʼi na punkjꞹ nrrumꞹ” (Job 14:1). ¿Bʼemi nge akjanu ja ga nee e Diosi ke ra minkʼøji? Ma dya nge akjanu, ¿ja ga nee ke ra minkʼøji? ¿Ra sⱥjⱥ nu paa ke ra søø ra mimiji jango ga nee angeze? Jñanda pje mama ne Biblia.
1. ¿Ja ga nee e Diosi ke ra minkʼøji?
Jehová nee ke ra minkʼøji na joo. Ma bo dyⱥtrʼⱥ kʼo otrʼꞹ ntee—e Adán ñe e Eva—, go ñʼemebi nu ja me ma zøø: kʼe jardín a Edén. Nujnu e “Mizhokjimi o intsjimibi kjanu o xipjibi: ‘Ri mimibi kja ne xoñijomꞹ, ri ñʼejebi na punkjꞹ chʼii ke ra mimiji nrrexe nu xoñijomꞹ. Ri pjørꞹgeji’” (Génesis 1:28). Jehová mi nee ke ro musʼꞹji na punkjꞹ chʼii, ke ro tsjaji ne xoñijomꞹ me na zøø ñe ro mbørꞹji yo añimale. Mi nee ke texe yo ro mimi kja ne xoñijomꞹ dya ro zødyɇji ñe dya ro ndu̱ji.
Zø dya go kjogꞹ akjanu, a e Diosi ra tsjaa janzi ga nee (Isaías 46:10, 11). Angeze nee ke yo ntee kʼꞹ ⱥtⱥji ra mimiji kja ne xoñijomꞹ kʼꞹ me rga zøø (xørꞹ Apocalipsis 21:3, 4).
2. ¿Pje ra kjaji ngekʼua ra mimiji na joo yo padya?
Ma e Jehová o dyⱥkøji go tsjakꞹji kʼꞹ ro jodʼꞹji angeze, kʼo nee ra mama nge kʼꞹ ra nee ra pa̱ra̱ji kjo nge angeze ñe ra matrʼꞹji (xørꞹ Mateo 5:3-6). Nee ke ra joji ko angeze, “ke ra kjaji texe kʼo nee”, ke ra sʼiyaji ko texe in mꞹbʼꞹji (Deuteronomio 10:12; Salmo 25:14). Ma ra kjaji texeyo, søø ra mⱥji zø ra kjogꞹji ndumꞹ. Kʼꞹ ra matrʼꞹji e Jehová kjakꞹji ra søji na joo ñe ra nee ra minji.
TEXE YO JÑAA KE ME NI MUBI RA PA̱RA̱JI
Ra nuji kʼꞹ ma e Jehová bo jyokꞹ ne xoñijomꞹ go dyⱥtrʼⱥ texe yo ni jyongꞹzꞹji ngekʼua ra minji me na joo, akjanu ñetse ke me sʼiyazꞹji, ñe xo ra nuji pje mama ne Biblia pjekja ri bʼꞹnjiba.
3. Jehová nee ke ra minkʼøji me na joo
Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
¿Pjenga bo dyⱥtrʼⱥ Mizhokjimi ne xoñijomꞹ?
Xørꞹbi Eclesiastés 3:11 ñe ri chjꞹrꞹbi ne trʼønꞹ nu ba e̱je̱:
-
¿Pje jitsʼkøjiyo ja ga ngeje e Jehová?
4. Jehová ra tsjaa ne xoñijomꞹ me na zøø jango ma nee ndizi mi jingua
Xørꞹbi Salmo 37:11, 29 ñe Isaías 55:11, ñe ri chjꞹrꞹbi ne trʼønꞹ nu ba e̱je̱:
-
¿Pjenga ri pa̱ra̱ji ke e Jehová ra tsjaa ke ra mimiji kja ne xoñijomꞹ jango ma nee angeze?
Na ngumꞹ kʼꞹ a me sʼodʼꞹ søø ra jokꞹji. Xo akjanu ko ne Xoñijomꞹ: yo ntee a me go sʼodʼꞹji, zø nge akjanu e Mizhokjimi ra jokꞹ ngekʼua ra mimiji yo ntee ke ⱥtⱥji angeze.
5. Kʼꞹ ra matrʼꞹji e Jehová kjakꞹji ra søji na joo
Kʼꞹ ra pa̱ra̱ji pjenga e Mizhokjimi o dyⱥkøji kjakꞹji ra mⱥji. Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
¿Ja ba mbøsʼꞹ e Terumi kʼꞹ o mba̱ra̱ jenga o dyⱥkøji e Diosi?
Xørꞹbi Eclesiastés 12:13 ñe ri chjꞹrꞹbi ne trʼønꞹ nu ba e̱je̱:
-
Kʼꞹ ri pa̱ra̱ji texe kʼo o dyakøji e Diosi, ¿pje ra kjaji ngekʼua ra unꞹji pøjø?
BʼꞸBʼꞸ KʼO RA DYØNKʼꞸJI: “¿Pjenga go dyⱥkøji e Diosi?”.
-
¿Pje ri chjꞹrꞹge?
KʼO YA RO NUJI
Jehová nee ke ra minkʼøji texe yo paa kja ne Xoñijomꞹ, kʼꞹ dya ra sødyɇji, dya ra tu̱ji ñe dya ra kjogꞹji ndumꞹ, kʼꞹ me ra mⱥji rga minji. Yo padya zø ri kjogꞹji ndumꞹ me ri mⱥji nangeje ri matrʼꞹji e Jehová ko texe in mꞹbʼꞹji.
Pje gi mbeñege
-
Ma e Jehová go dyⱥtrʼⱥ e Adán ñe e Eva, ¿ja ma nee kʼꞹ ro mimibi?
-
¿Pjenga ri pa̱ra̱ji ke e Diosi ra tsjaa ne xoñijomꞹ me na zøø jango ma nee ndizi mi jingua?
-
¿Pje ra mbøxkʼꞹ me ri mⱥjⱥ rgi mimi yo padya?
XE SØØ RI PA̱RA̱
Jñanrra kjo bʼemi bo bʼꞹbʼꞹ nu jardín a Edén.
“Nu jardín a Edén, ¿na kjuana bo bʼꞹbʼꞹ?” (La Atalaya, 1 de enero de 2011)
Ñuu pjenga ri manji ke ne Xoñijomꞹ dya kjo ra chjotꞹ.
Xørꞹ yo mama ne Biblia pjenga bo jyokꞹzꞹji e Tsʼitajensʼe.
Jñanrra pje go mama na bʼɇzo ke zø mi pɇsʼi na punkjꞹ, nukʼo dya mi kjapꞹ ro mⱥjⱥ.
a Kja ne xørꞹ nu ba e̱je̱ ra nuji pje bo kjogꞹ.
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
