XØRꞸ 18
Ja rga pa̱ra̱ji kjo nge kʼo bʼemi kjaji kʼo go mama e Cristo
Me na punkjꞹ ntee manji ngeji cristiano, zø nge akjanu dya chjenjui kʼo kreoji ñe ja ga mimiji. Ngekʼua, ¿ja rga pa̱ra̱ji kjo nge kʼo bʼemi ngeji cristiano?
1. ¿Pje kjaa na cristiano kʼꞹ na kjuana?
Yo cristiano nge kʼo sꞹtʼꞹji e Jesucristo (xørꞹ Hechos 11:26). ¿Ja ga ñetse ke na kjuana sꞹtʼꞹji e Jesús? Angeze o mama: “Ma sido ri ñejmeji yo jñaa yo ri ñaa, nuʼma, na kjuana in ⱥtkøjima” (Juan 8:31). Nuyo nee ra mama ke yo bʼemi ngeji cristiano kjaji kʼo go mama e Jesús. Yo na kjuana ngeji cristiano kreoji kʼo mama ne Biblia jango ba tsjaa e Jesús, ke kʼo mi jizhi mi nge kʼo mi mama o Jñaa e Diosi (xørꞹ Lucas 24:27).
2. Yo cristiano ke na kjuana, ¿ja ga ñetse ke potka sʼiyaji?
E Jesús o xipji kʼo o discípulo: “Ri potki sʼiyaji kʼua janzi rba sʼiyatsʼꞹgøji” (Juan 15:12). ¿Ja ba ñetse ke e Jesús mi sʼiya kʼo o discípulo? O xo̱kꞹ nrrajme ngekʼua ro ñaa ko angezeji, mi xipjiji jñaa kʼo mi kjaa ke ro zøji na joo, o mbøsʼꞹji ñe o nrru̱u̱ ngekʼua ro salbaji (1 Juan 3:16). Nzakja e Jesús, yo cristiano ke na kjuana dya ngextrjo manji ke sʼiyaji; ga potka sʼiyaji, nuyo ñetse ko kʼo manji ñe kjaji.
3. ¿Pje ma bʼɇpji na kjaji yo cristiano ke na kjuana?
E Jesús o chɇchpi na bʼɇpji kʼo discípulo, “o ndⱥjⱥji ro ma nⱥdʼⱥji o Reino Mizhokjimi” (Lucas 9:2, TNM). Kʼo otrʼꞹ cristiano dya ngextrjo mi jichiji kʼo ntee o Jñaa Mizhokjimi nu ja mi jmurꞹji mi matrʼꞹji e Diosi, xo mi paa jichiji kʼo ntee nu ja mi ka̱ra̱ji ñe kja o ngumꞹji (xørꞹ Hechos 5:42; 17:17). Yo padya yo bʼemi ngeji cristiano xo jichiji o Jñaa Mizhokjimi nu ja nrre ka̱ra̱ ntee. Kjajiyo nangeje sʼiyaji o minte ngekʼua jichiji yo mama ne Biblia akjanu yo ntee søji na joo ñe pɇsʼiji esperanza (Marcos 12:31).
TEXE YO JÑAA KE ME NI MUBI RA PA̱RA̱JI
Ra nuji yo kjaji yo cristiano yo na kjuana ñe yo kjaji yo ntee yo dya ⱥtⱥji e Jesús.
4. Jodʼꞹji kʼo na kjuana kʼo mama ne Biblia
Kʼo otrʼꞹ cristiano mi respetaoji o Jñaa e Diosi
Dya nrrexe kʼo manji ngeji cristiano kjaji kʼo mama ne Biblia. Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
Go bʼꞹbʼꞹ religión ke dya mi neji ke kʼo ntee ro mba̱ra̱ji kʼo bi jizhi e Jesús, ¿pje go tsjaji?
E Jesús o jizhi kʼo na kjuana kʼo mama o Jñaa Mizhokjimi. Xørꞹbi Juan 18:37 ñe ri chjꞹrꞹbi ne trʼønꞹ nu ba e̱je̱:
-
Nzakja o mama e Jesús, ¿ja rga pa̱ra̱ji kjo nge yo cristiano ke kjaji yo na kjuana?
5. Jichiji yo ntee yo mama ne Biblia
Kʼo otrʼꞹ cristiano mi jichiji kʼo ntee
Ma a ro maa e Jesús ajensʼe, o chɇchpi kʼo o discípulo na bʼɇpji kʼꞹ xi na kjajidya. Xørꞹbi Mateo 28:19, 20 ñe Hechos 1:8, ñe ri chjꞹrꞹbi ne trʼønꞹ nu ba e̱je̱:
-
¿Ja ro zⱥtrʼⱥji ñe jingua xi ro jichiji yo ntee o Jñaa Mizhokjimi?
6. Kjaji jango ga jizhiji
¿Pjenga mi kreo e Tom ke a bi chøtrʼꞹ yo cristiano yo na kjuana? Jñanrrabi ne VIDEO ñe ri chjꞹrꞹbi yo trʼønꞹ yo ba e̱je̱:
-
Nzakja bi jñanrra kja ne video, ¿pjenga e Tom dya kja go kreo nu religión?
-
¿Pjenga e Tom o unꞹ nguenda ke bi chøtrʼꞹ nu religión kʼꞹ na kjuana?
Yo ri manji ra ñetse kʼꞹ na kjuana ko yo ri kjaji. Xørꞹbi Mateo 7:21 ñe ri chjꞹrꞹbi ne trʼønꞹ nu ba e̱je̱:
-
¿Pje nge kʼo nuu na joo e Jesús: kʼo ri manji ke ri kreoji, o kʼo janrra ke ri kjaji?
7. Potka sʼiyaji
Kʼo otrʼꞹ cristiano mi potma sʼiyaji
Bʼꞹbʼꞹ cristiano ke unꞹji o vida ngekʼua ra ñanaji o kjuarma Jñanrrabi ne VIDEO ñe ri chjꞹrꞹbi yo trʼønꞹ yo ba e̱je̱:
-
¿Pjenga ne kjuarma Lloyd o nee ro ñana ne kjuarma Johansson?
-
¿Gi kreoge ke o tsjaa nzakja na cristiano ke na kjuana?
Xørꞹbi Juan 13:34, 35 ñe ri chjꞹrꞹbi yo trʼønꞹ yo ba e̱je̱:
-
¿Kʼo o discípulo e Jesús—yo cristiano yo na kjuana— ja rga nuji yo ntee ke ngeji nandyo raza o nandyo ja menzumꞹji?
-
¿Ñe ja rga tsjajiyo ma tsʼaa chu̱ʼu̱?
BʼꞸBʼꞸ KʼO MANJI: “Kʼo manji ngeji cristiano a go tsjaji na punkjꞹ kʼo na sʼoo. ¿Ja rga ngeji nu religión nu na kjuana?”.
-
¿Pje ma texto ri xørꞹ ngekʼua ri jichi yo ntee kjo nge yo cristiano yo na kjuana?
KʼO YA RO NUJI
Yo cristiano yo na kjuana kjaji kʼo mama ne Biblia, sʼiyaji o minteji ngekʼua pjøsʼꞹji ñe jichiji yo ntee yo mama ne Biblia.
Pje gi mbeñege
-
¿Ja bʼꞹbʼꞹ yo kreoji yo cristiano yo na kjuana?
-
¿Pje ma cualidad pjøxkʼꞹ ri unꞹ nguenda kjo nge yo cristiano yo na kjuana?
-
¿Ñe pje ma bʼɇpji kjajidya?
XE SØØ RI PA̱RA̱
Pa̱ra̱ na joo kjo nge yo jizhiji ñe kjaji kʼo go mama e Jesucristo.
Xørꞹ kʼo mama na nrrinxu kʼꞹ bi nge monja ja ba chøtrʼꞹ “na pjamilia kʼꞹ na kjuana matrʼꞹ Mizhokjimi”.
“Texe kʼo trʼønꞹ kʼo ro kjagø go nrrꞹrꞹji ko ne Biblia” (La Atalaya, 1 de abril de 2014)
Jñanrra ja ga ñetse ke sʼiyaji o kjuarma yo cristiano yo na kjuana ma pje kjogꞹji.
Ri pjøsʼꞹjme yo in kjuarmajme ma pje kjogꞹji (fragmento) (3:57)
E Jesús o mama ja rgua unkʼøji nguenda kjo nge kʼo kjaji kʼo o mama angeze. Jñanrra ja ba tsjajikʼo kʼo otrʼꞹ cristiano ñe yo cristiano yo na kjuana ke ka̱ra̱ji yo padya.
“¿Pje kjaji yo cristiano yo na kjuana?” (La Atalaya, 1 de marzo de 2012)
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
