Na punkjꞹ ntee kja ne xoñijomꞹ pa̱ra̱ji kjo ngeje e Jesús. Zø pa̱ra̱ji pje ni chju̱u̱, dya nrra na punkjꞹ ntee pa̱ra̱ji na joo ja ga nge angeze, ñe bʼꞹbʼꞹ ntee ke nandyo ga ngijñiji ja ga nge e Jesús. ¿Pje mama ne Biblia kjo ngeje e Jesús?

1. ¿Kjo ngeje e Jesús?

E Jesús bʼꞹbʼꞹ ajensʼe, ngeje na espíritu kʼꞹ me na zɇzhi. Ma dya pje mi bʼꞹbʼꞹ, e Jehová otrʼꞹ go dyⱥtrʼⱥ e Jesús. Ngekʼua ne Biblia mama “otrʼꞹ go dyⱥtrʼⱥ e Jesucristo ma dya bʼe mi trʼⱥtrʼⱥ e jensʼe ñe ne xoñijomꞹ” (Colosenses 1:​15). Xo mama ke e Jesús nge “kʼꞹ nu Tʼii kʼꞹ natjo”, nangeje e Jehová go dyⱥtrʼⱥtsjɇ e Jesús (Juan 3:​16). E Jesús go pɇpji ko nu Tata, Jehová, go mbøsʼꞹ ro dyⱥtrʼⱥ texe (xørꞹ Proverbios 8:​30). Nza yebi me na joo ga pɇpjibi. E Jesús ngeje “kʼe Jñaa”, kʼo nee ra mama ke e Jehová pejñe e Jesús ngekʼua ra xipji yo anxe ñe yo ntee pje ra tsjaji (Juan 1:​14).

2. ¿Pjenga e Jesús go e̱je̱ kja ne Xoñijomꞹ?

A go kjogꞹ 2.000 kjɇɇ, e Jehová ko nu espíritu santo go tsjaa na milagro, go tsjaa ke e María ro nrrunte, ro musʼꞹ e Jesús—kʼe anxe ke me na zɇzhi—kʼꞹ mi bʼꞹbʼꞹ ajensʼe. Je akjanu e Jesús go mimi kja ne xoñijomꞹ nzakja na ntee (xørꞹ Lucas 1:​34, 35). Angeze bo e̱je̱ kja ne Xoñijomꞹ ngekʼua ro nge Cristo, o Mesías kʼꞹ bi mama Mizhokjimi, ngekʼua ro ngꞹxkꞹji. a Texe kʼo bo mama ne Biblia ke ro kjogꞹ e Mesías bo zⱥdʼⱥ akjanu. Nukʼo o tsjaa ke kʼo ntee ro manji “ngetsʼkʼe Cristo. Ngetsʼkʼe o Tʼitsʼkʼe Mizhokjimi kʼꞹ ixi bʼꞹbʼꞹ” (Mateo 16:​16).

3. ¿Ja bʼꞹbʼꞹdya e Jesús?

Ma o nrru̱u̱ e Jesús, e Mizhokjimi o xosꞹ nzakja na espíritu, nrro go nzhogꞹ ajensʼe. Nujnu “Mizhokjimi o unꞹ o mbɇzhi me na nojo” (Filipenses 2:9). Nudya e Jesús pjɇzhi me na nojo; zø nge akjanu e Jehová mazi me na zɇzhi ke e Jesús.

 5. E Jesús o ngeje nu Mesías

 KʼO YA RO NUJI

E Jesús nge na espíritu ke me na zɇzhi, nge nu Mesías ñe o Trʼii e Diosi.

Pje gi mbeñege

• ¿Kjo nge kʼꞹ otrʼꞹ o dyⱥtrʼⱥ Mizhokjimi?

• ¿Pje mi kjaa e Jesús ma dya bʼe ma e̱je̱ kja ne Xoñijomꞹ?

• ¿Pjenga ri manji ke e Jesús ngeje e Mesías?