“Texe kʼo o dyopjꞹ o jñaa Mizhokjimi, nge o [espíritu] Mizhokjimi o ñꞹnbꞹ o mꞹbʼꞹji o dyopjꞹji.” (2 Timoteo 3:16, Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)

Ra pa̱ra̱ji ja ga kjaa yo trʼønꞹ kʼo kjaji yo ntee (Proverbios 2:1-5).

Søø ra pa̱ra̱ji ja rga minji na joo (Salmo 119:105).

Ra pa̱ra̱ji ke na joo ra tebʼeji kʼo ra kjogꞹ yo paa yo ba e̱je̱ (Romanos 15:4).

Ja̱a̱, jñanrra kʼo mamaba:

• Natrjo tema kʼꞹ mama ne Biblia. Go mezhe komo 1.600 kjɇɇ pa ro nguarꞹji ro dyopjꞹji ne Biblia. Komo 40 bʼɇzo go dyopjꞹji ne Biblia. Kʼo bʼɇzokʼo, je mi menzumꞹji kja nʼaño jñiñi, dya o mba̱ra̱ji kʼo ñaja bʼɇzo kʼo go dyopjꞹji ne Biblia. Zo go nge ga kjanu, natrjo tema nge kʼꞹ ba e̱je̱ kja ne Biblia.

• Go dyopjꞹji kʼua ja nzi go kjogꞹ mi jingua. Kʼo bʼɇzo ke go dyopjꞹji ne Biblia, go dyopjꞹji texe kʼo go kjogꞹ kja o jñiñi ñe kʼo na sʼoo kʼo go tsjaji angezeji. Dya je ba akjanu kʼo bʼɇzo kʼo xiji historiador, dya go dyopjꞹji kʼua ja nzi go kjogꞹ mi jingua kja kʼo jñiñi nu ja mi menzumꞹji (2 Crónicas 36:15, 16; Salmo 51:1-4).

• Bo kjogꞹ texe ja gua mama yo profecía kja ne Biblia. Ne Biblia go mama kʼe Mesías ro musʼꞹji a Belén kʼꞹ mi tsjaa a Judá. Ax bi mama 700 kjɇɇ ma dya bʼe mi kjogꞹkʼo, pe go dyopjꞹji je ro kjogꞹ akjanu (Miqueas 5:2). ¡E Jesús go musʼꞹji a Belén kʼua ja nzi ba dyopjꞹji kja ne Biblia ke ro kjogꞹ! (Mateo 2:1-6).

  Na punkjꞹ profecía ke go dyopjꞹji kja ne Biblia go zⱥdʼⱥ kʼua ja nzi go dyopjꞹji. Akjanu, ri unkoji nguenda ke ne Biblia nge o Jñaa e Mizhokjimi (2 Pedro 1:21).