Be Tugo Tuke mag Loyo Mich e Yor Hawi En Richo?

TUGE

Dwoko ma Muma chiwo

Kata obedo ni Muma ok wuo matut e wi tuke mag loyo mich e yor hawi, nitie puonj moko e Muma ma nyalo konyowa ng’eyo ni timno en richo e wang’ Nyasaye.—Jo-Efeso 5:17. *

Gima miyo ji donjo e tuke mag loyo mich en ich-lach ma en kido ma Nyasaye osin-go. (1 Jo-Korintho 6:9, 10; Jo-Efeso 5:3, 5) Joma timo tukego gomboga ni giyud pesa sama jowetegi to yudo asara. Muma kwedo tim mar gombo gige joma moko.—Wuok 20:17; Jo-Rumi 7:7; 13:9, 10.
Tugo tukego kata mana matin, nyalo miyo ng’ato ochak hero pesa ma en achiel kuom gik ma kelo hinyruok.—1 Timotheo 6:9, 10.
Joma tugo tukego ogeno ahinya kuom hawi. Kata kamano Jehova neno timbego kaka lamo nyiseche manono, kendo mano ok luwre gi kaka odwaro ni olame.—Isaiah 65:11, New World Translation.
Muma jiwowa ni wati matek kar mondo wagen yudo gik moko e yo mayot ma ok wachuero luya. (Eklesiastes 2:24; Jo-Efeso 4:28) Joma luwo puonj mag Muma ‘chamo chiemo ma gin giwegi e ma gitiyone.’—2 Jo-Thesalonika 3:10, 12.
Tukego nyalo miyo ng’ato obed gi chuny mar piem, to mano en tim ma Muma kwedo.—Jo-Galatia 5:26.

^ par. 1 Muma wuoyo e wi tim mar temo yudo gimoro e yor hawi sama olero kaka askeche mag Jo-Rumi nogoyo ombulu ka gipogore lep Yesu mondo mi ng’ama hawi olwar kuome e ma okaw law.—Mathayo 27:35; Johana 19:23, 24; Contemporary English Version; Good News Translation.