Zaburi 91:1-16
91 Ng’ato ang’ata modak ka mopondo mar Ng’at Mamalo Chutho,+Biro bedo e bwo tipo mar Ng’at Manyalo Duto.+
2 Anawach ne Jehova niya: “In e kar bwokna kendo ohingana,+Nyasacha ma ageno.”+
3 Obiro resi e obadho mar jachik winy,Kendo kuom tuoche ma nego ji.
4 Obiro umi gi buombene,Kendo kanyo nobedni kar buok.+
Adierane+ biro bedoni ka okumba maduong’+ kendo kaka ohinga motegno.
5 Ok ibi luoro masiche ma timore gotieno,+Kata aserni michielo godiechieng’,+
6 Kata tuoche ma landore e mudho,Kata tho ma tieko ngima ji e dier odiechieng’ tir.
7 Ji aluf achiel biro podho e bathi,Kendo ji aluf apar e badi korachwich,To in onge gimoro amora ma biro timoreni.+
8 Ibiro neno mano gi wengeni;Inine kikumo joricho.
9 Nikech niwacho niya: “Jehova e kar bwokna.”
Iseketo Ng’at Mamalo Chutho obedo kar dakni;*+
10 Onge gimoro amora marach ma notimreni,+Kata masira ma nosud but hembi.
11 Nimar enochik malaikene+Mondo giriti e yoreni duto.+
12 Giniting’i e lwetgi+Mondo kik ichwany tiendi e kidi.+
13 Ininyon sibuor gi thuond rachier;Adier, ininyon sibuor ma ratego kod thuol maduong’.+
14 Nyasaye nowacho niya: “Abiro rese nikech ohera.+
Abiro rite nikech ong’eyo nyinga.+
15 Obiro luonga kendo anadwoke.+
Anabed kode e chandruogene.+
Anakonye kendo anamiye duong’.
16 Anami odag aming’a,+Kendo enone kaka aware.”+
Weche Moler Piny
^ Kata nyalo bedo, “kar bwokna.”
