Ngeche 30:1-33
-
WECHE MAG AGUR (1-33)
30 Magi e weche matut mag Agur wuod Jake, ma ne owacho ne Ithiel, ee, ne Ithiel kod Ukal.
2 Afuwo moloyo ng’ato ang’ata,+Kendo aonge ng’eyo ma dhano onego obedgo.
3 Pok ayudo rieko,Kendo aonge ng’eyo ma Ng’at Maler Moloyo nigo.
4 Ng’ano mosedhi e polo moduogo e piny?+
Ng’ano mosechoko yamo gi lwetene ariyo?
Ng’ano moseboyo pige nembe e nangane?+
Ng’ano moseketo tung’ piny duto?+
Nyinge ng’a, to wuode iluongo ni ng’a? Wach ane king’eyo.
5 Weche duto mag Nyasaye gin mopwodhi.+
En okumba ne jo ma ogeno kuome.+
6 Kik imed wach moro amora e wechene,+Nono to obiro kumi,Kendo ibiro bedo jamiriambo.
7 Akwayi gik moko ariyo.
Yie imiyagi ka pok atho.
8 Gol kuoma miriambo kod weche ma ok adier.+
Kik imiya dhier kata mwandu mang’eny.
We acham mana chiemo moroma.+
9 Mondo kik ayieng’ ma akwedi ka awacho ni, “Jehova to en ng’a?”+
Kata kik abed modhier, mi akwel kendo aketh nying Nyasacha.
10 Kik iketh nying jatich e nyim ruodhe,Nono to obiro kuong’i kendo bura biro loyi.+
11 Nitiere tieng’ ma yanyo wuonegiKendo ok giguedh minegi.+
12 Nitiere tieng’ moro ma paro ni giler+To pok olwokgi mogol chilo kuomgi.
13 Nitiere tieng’ moro ma wengegi opong’ gi sungaKendo ma neno gi achaya!+
14 Nitiere tieng’ moro ma lekegi chalo gi liganglaKendo ma dhogi chalo gi pelni mag yeng’o;Gitieko jochan manie pinyKod jo modhier manie kindgi.+
15 Chwe nigi nyiri ariyo ma ywak ni, “Miya! Miya!”
Nitie gik moko adek ma ok yieng’ ngang’,Ee, gik moko ang’wen ma ok wach ni, “Oromo!”
16 —Liel*+ kod ich ma ok nyuol,Piny ma onge pi,Gi mach ma ok wach ni, “Oromo!”
17 Wang’ ma jaro wuoro kendo ma chayo miyo+—Agege mag hoho biro gole oko,Kendo nyithi otenga biro chame.+
18 Nitiere gik moko adek modhiera ng’eyo,Ee, gik moko ang’wen ma ok ang’eyo korgi:
19 Yor otenga e polo,Yor thuol e lwanda,Yor meli e nam,Kod yor wuoyi gi nyako.
20 Ma e yor dhako ma jachode:
Ochiemo, oyweyo dhoge;Kae to owacho ni, “Pok atimo gima rach.”+
21 Nitiere gik moko adek ma miyo piny tetniEe, gik moko ang’wen ma piny ok nyal yiego:
22 Ka misumba obedo ruoth,+Ka ng’at mofuwo ochiemo mokalo tong’,
23 Ka okend dhako ma ji osin-go,Kendo ka jatich ma nyako omayo dhako mondike dichwo.+
24 Nitiere gik moko ang’wen matindo moloyo e piny,To giriek ahinya:+
25 Ochunglo gin chuech* ma onge teko,Kata kamano, giiko chiembgi e ndalo oro.+
26 Apwoch-lwanda+ gin chuech* ma tekogi tin,Kata kamano, gigero utegi e lwendni.+
27 Det-bonyo+ onge ruoth,To giduto gifuyo ka gichanore maber.+
28 Ogweyo+ nyalo wuotho e kor ot ma ok olwar,Kendo odonjo e od ruoth.
29 Nitiere gik moko adek maber ng’iyo ka wuotho,Ee, gik moko ang’wen ma wuotho e yo miwuoro:
30 Sibuor, le ma ratego moloyo duto,Le ma ok oluoro gimoro amora;+
31 Guok ma idhigo dwar; nyuok;Kod ruoth man kod jolweny mage.
32 Ka po ni fuwo osemiyo iting’ori malo+Kata isechano mar timo kamano,Um dhogi gi lweti.+
33 Mana kaka puoyo chak kelo moKendo diyo um miyo remo chuer,E kaka chwako mirima kelo miero.+
