Ngeche 20:1-30
20 Divai kelo achaya,+ kong’o kelo koko;+Ng’at ma gigo olalo onge rieko.+
2 Ka ruoth okecho ochalo gi sibuor ma ruto;+Ng’at ma kwinye chalo gi ng’at ma dere.+
3 Ng’at ma ok ohero ywaruok imiyo duong’,+To jo mofuwo duto ohero ywaruok.+
4 Jasamuoyo ok pur ndalo koyo,Omiyo, ndalo keyo okwecho, to ok oyud gimoro.*+
5 Paro manie chuny dhano chalo gi pi manie soko matut,To ng’at mong’eyo pogo weche kare biro twomogi.
6 Ji mang’eny wacho ni gin gi hera madier,Kata kamano, ng’ano ma diyud ng’at ma ja adiera?
7 Ng’at makare wuotho e timne matir.+
Nyithinde yudo gueth bang’e.+
8 Ka ruoth obet e kome mondo ong’ad bura,+Opiedho weche maricho duto gi wang’e.+
9 Ng’ano ma nyalo wacho niya: “Asepwodho chunya;+Aler kendo aonge richo”?+
10 Ratil mag miriambo kod rapim ma ok kare—Giduto gisino Jehova.+
11 Kata mana nyathi ing’eyo gi timbene,Ka be timbene ni kare kendo ler.+
12 It ma winjo kod wang’ ma neno—Jehova e ma ochueyogi giduto.+
13 Kik iher nindo, nono to ibiro bedo jachan.+
Yaw wang’i, to ibiro yudo chiemo moromi.+
14 Jang’iepo wacho, “Gini ok ber, gini ok ber!”To kosedhi, osungore.+
15 Nitie dhahabu, kite mag korol bende ng’eny,To dhok ma wacho weche mag ng’eyo nigi duong’ ahinya.+
16 Kaw law ng’at mochung’ ne ng’ato nono e gowi;+Mak gima nosingoregono ka notimo kamano ne dhako ma wendo.+
17 Chiemo moyud e yo ma ok kare mit ne ng’ato,To bang’e dhoge biro pong’ gi kuoyo.+
18 Ka ji owuoyo to chenro biro dhi maber,+Go lweny ma in-go kiluwo kaka itayi gi jo mariek.+
19 Jakuoth dhi koni gi koni ka elo weche ma ling’ling’;+Kik imak osiep gi ng’at mohero kuotho.
20 Ng’at ma yanyo wuon-gi gi min-gi,Tache ibiro sim ka mudho odonjo.+
21 Mwandu ma ng’ato yudo e yo mayot
Bang’e ok nokelne gueth.+
22 Kik iwach niya: “Anachul richo!”+
Gen Jehova+ to obiro resi.+
23 Ratil mag miriambo, Jehova osin-go,Kendo rapim ma ok kare ok ber.
24 Jehova e ma chiko ondamo mag ng’ato;+Ere kaka dhano ding’e yorene owuon?
25 En obadho ne ng’at ma rikni singore ni, “Maler!”+
To achien eka oparo singruokne.+
26 Ruoth mariek golo joricho,+Kendo oriembo gari mipiedhogo cham kuomgi.+
27 Much dhano e tach Jehova,Omenyo chunye ma iye.
28 Hera kod adiera e ma rito ruoth;+Hera e ma osirogo kom-lochne.+
29 Duong’ mar yawuoyi en tekogi,+To duong’ mar jodongo en lwar manie wigi.+
30 Adhonde kod del moriemo e ma golo richo.+Kendo chwat e ma pwodho chuny ma iye.
Weche Moler Piny
^ Kata nyalo bedo, “Omiyo, e kinde keyo omenyo to ok oyud gimoro.”
