Ngeche 16:1-33
16 Dhano chano gik modwaro timo e chunye,To dwoko mochiwo* a kuom Jehova.+
2 Dhano paro ni yorene duto ni kare,+To Jehova e ma nono pach* dhano.+
3 Ket gimoro amora mitimo e lwet Jehova,+To chenroni biro dhi maber.
4 Jehova osechueyo gik moko duto ne dwache,Kata mana joricho ne chieng’ masira.+
5 Jehova osin gi ng’ato ang’ata ma nigi sunga e chunye.+
Ng’e malong’o ni ng’atno nyaka yud kum.
6 Hera mosiko gi adiera e ma golo richo,+Kendo luoro Jehova e ma miyo ng’ato weyo richo.+
7 Ka Jehova mor gi yore ng’ato,Omiyo kata wasike bedo gi kuwe kode.+
8 Gima tin miyudo e yo makare ber+Moloyo yudo mwandu mang’eny ma ok iluwo chik.+
9 Dhano nyalo loso chenrone e chunye,To Jehova e ma chiko ondamone.+
10 Rieko moa kuom Nyasaye onego obed e dho ruoth;+Ok onego ong’ad bura ma ok kare.+
11 Ratil kod rapim makare a kuom Jehova;Gik pimo duto manie ofuko gin tichne.+
12 Chuny ruodhi osin gi timbe maricho,+Nimar kom-loch iguro motegno gi tim makare.+
13 Weche makare moro chuny ruodhi.
Gihero ng’at ma wacho adiera.+
14 Mirimb ruoth chalo gi jaote ma kelo tho,+To ng’at mariek kueye.*+
15 Ka wang’ ruoth ler, nitiere ngima;Ng’wonone chalo gi boche polo ma kelo koth ndalo chwiri.+
16 Mano kaka yudo rieko ber moloyo dhahabu!+
Winjo tiend wach ber moloyo fedha.+
17 Yor ng’at matir kwedo richo.
Ng’at ma rito yorene, reso ngimane.+
18 Sunga telo ne masira,Kendo chuny mong’awore telo ne chwanyruok.+
19 Bedo mobolore e kind jo mamuol ber+Moloyo pogo gik moyaki gi josunga.
20 Ng’at ma nyiso rieko e wach moro biro dhi maber,Kendo ng’at mamor en mogeno Jehova.
21 Ng’at ma chunye riek ibiro luong ni ng’at ma winjo tiend wach,+Kendo ng’at ma dhoge mit miyo puonjruok medore.+
22 Rieko en soko mar ngima ne jo ma ni kode,To jo mofuwo ikumo nikech fupgi.
23 Chuny ng’at mariek puonjo dhoge+Kendo omedo ywayo ji gi wechene.
24 Weche mamit chal gi peth kich,Omit ne chuny kendo ochango choke.+
25 Nitie yo ma nenore ni ber e wang’ dhano,To gikone otere e tho.+
26 Dwaro chiemo miyo jatich tiyo matekKendo kech jiwe mondo oti matek.+
27 Ng’at ma nono kunyo gik maricho;+Kendo wechene chalo gi mach mager.+
28 Ng’at marach kelo pogruok,+Kendo jaketh nying ji pogo osiepe.+
29 Ja mahundu wuondo nyawadgiKendo otere e yo marach.
30 Odiyo wang’e sa ma ochano gik maricho.
Omiyo dhoge matek sa ma otimo richo.
31 Lwar en osimbo mar duong’*+Ka oyude e yo makare.+
32 Ng’at ma iye ok wang’ piyo+ ber moloyo ng’at ma ratego,Ng’at ma tero mirimbe mos ber moloyo ng’at ma loyo dala.+
33 Ombulu igoyo e bam,+To wach ming’ado kuom ombuluno a kuom Jehova.+
