Barua mar Jakobo 5:1-20
5 Koro biuru un jomwandu, ywaguru kendo ugo nduru nikech masiche ma bironu.+
2 Mwandu magu osetow kendo kute osechamo lepu.+
3 Nyal osechamo dhahabu gi fedhau, kendo nyal man kuomgi biro chiwo neno ni un gi ketho, kendo obiro chamo ringreu. Gik ma usekano biro chalo gi mach e ndalo mag giko.+
4 Neuru! Chudo ma usetuono jotich ma ne okeyo e puotheu kok gi dwol maduong’, kendo ywak mar jokeyogo osechopo nyaka e it Jehova* Nyasach oganda lweny.+
5 Udak e piny e ngima ma malo kendo ka udhialoru. Usemiyo chunyu obedo machwe chieng’ yeng’o.+
6 Useng’ado bura; usenego ng’at makare. Donge okwedou?
7 Kuom mano, owetena, horeuru nyaka chop ndalo ma biro yudo ka Ruoth nitie.+ Neuru! Japur rito kogeno ni lowo biro nyakne, ohore nyaka chop koth mokwongo gi koth ma achien bi.+
8 Un bende horeuru;+ teguru chunyu, nikech kinde ma biro yudo ka Ruoth nitie osekayo machiegni.+
9 Owetena, kik ng’ato kuomu ng’ur gi nyawadgi mondo kik ng’adnu bura.+ Neuru! Jang’ad bura ochung’ e dho ot.
10 Owetena, kwanuru jonabi ma nowuoyo e nying Jehova kaka ranyisi monego uluw+ nikech masiche ma ne giyudo, kendo kaka ne gihore.+
11 Neuru! Wakwano jo mosenano ni gin jo mamor.*+ Usewinjo wach Ayub kaka ne onano+ kendo useneno gima Jehova* notimone bang’ mano,+ ni Jehova* ogundho gi hera matut kendo okecho ji.+
12 To moloyo duto owetena, weuru kuong’oru gi polo, kata gi piny, kata gi gimoro amora. Kar mano, “Ee” maru mondo obed mana ee, to “Ooyo” maru obed mana ooyo,+ mondo kik ng’adnu bura.
13 Be nitie ng’ato e kindu ma yudo masiche? Odhi nyime kwayo Nyasaye e lamo.+ Be nitie ng’ato ma chunye mor? Ower wende zaburi.+
14 Be nitie ng’at ma tuo e kindu? Oluong jodongo+ mondo gilamne ka giwire gi mo+ e nying Jehova.*
15 Eka lamo mar yie biro miyo ng’at ma tuono* owinj maber, kendo Jehova* biro chunge malo. Bende, ka nitie richo moko mosetimo, ibiro wene.
16 Kuom mano, huluru richou ayanga e kindu,+ kendo ulam ne joweteu mondo ochangu. Kwayo mar ng’at makare nigi teko.+
17 Elija ne en mana dhano kaka wan, to e ma ne olamo gi kinda mondo koth kik chue, mi koth ne ok ochue e pinyno kuom higni adek gi dweche auchiel.+
18 Nochako olemo kendo, mi polo nochiwo koth, kendo pinyno nonyak.+
19 Owetena, ka nitie ng’ato kuomu ma obayo yo koa e adiera, kae to ng’at machielo oduoke e yo,
20 ng’euru ni ng’at ma loko jaricho mondo oa e yore marach+ biro reso jarichono oa e tho kendo obiro umo richo mogundho.+
Weche Moler Piny
^ Som Apendiks A5.
^ Som Apendiks A5.
^ Som Apendiks A5.
^ Kata, “jo moguedhi.”
^ Som Apendiks A5.
^ Kata nyalo bedo, “ng’at moolno.”
^ Som Apendiks A5.
