Isaya 47:1-15
47 A in nyar Babulon,+ nyako ma sililiDuog piny, ibed e buru.
A in nyar Jo-KaldeaBed piny e lowo ka ma onge kom-loch.+Nimar ji ok nodhiali kendo.
2 Kaw pong’ iregi.
Gol law miumogo wang’i.
Ng’wan lawi, tiendeni odong’ nono.
Ng’ad aoche.
3 Ibiro dong’ duk.
Ibiro yudo wich-kuot.
Abiro chulo kuor,+ kendo onge ng’at ma biro geng’a.*
4 “Nyasaye e ma warowa,Jehova Nyasach oganda lweny e nyinge,En e Ng’at Maler mar Israel.”+
5 A in nyar Jo-Kaldea+Bed piny kiling’ thi, dhi e mudho;Ji ok bi luongi kendo ni Min* Pinjeruodhi.+
6 Joga ne owang’o iya.+
Ne aketho mwanduna awuon,+Kendo ne aketogi e lweti.+
To ne ok ikechogi.+
Kata mana joga moti ne uturo gi ting’ mapek.+
7 Ne iwacho niya: “Anabed Min* Pinjeruodhi nyaka chieng’.”+
Ne ok idewo gik ma nitimo;Ne ok ipar gik ma gigo ne dhi keloni.
8 Omiyo, koro winji, in ng’at mohero mor mag piny,+Chunyi ma ok dew gimoro wachoni niya:
“An kenda e ma antie, onge ng’at marom koda.+
Ok abi dong’ chi liel.
Nyithinda ok bi tho.”+
9 To gik moko ariyogi notimreni e odiechieng’ achiel:+
Nyithindi biro tho, kendo inidong’ chi liel.
Gigo duto notimreni+Nikech timbeni mang’eny mag juok.*+
10 Ne igeno timbeni maricho.
Ne iwacho niya: “Onge ng’at ma nena.”
Riekoni kod ng’eyo e ma nomiyo irwenyo,Ne iwacho niya: “An kenda e ma antie, onge ng’at marom koda.”
11 Kata kamano, masira biro yudi,Kendo ajuokeni ok nogeng’ masirano.
Gik maricho biro yudi; ok inigeng’gi.
Kethruok maduong’ nobini ka diemo wang’.+
12 Dhi adhiya nyime gi timbeni mag juok,+Misebedo kitimo chakre tinni.
Samoro ginyalo konyi;Samoro ginyalo bwogo ji.
13 Ji mang’eny ma ng’adoni rieko osemedo mana nyosi.
We mondo gichung’ malo giresi,Jogo ma lamo polo,* kendo ma rango sulwe,+Jogo ma nyisi gik mabiro timore e dwe ka dwe,Ee, jo ma koro gik ma biro timoreni.
14 Neuru! Gichalo ka mihudhi.
Gibiro wang’ e mach.
Ok ginyal resore e mach magerno.
Majno ok en mach ma ng’ato nyalo oyo,Ee, ok en mach ma ng’ato dibedie bute.
15 Mano e gima biro yudo ajuokeni,Jogo misebedogo chakre tinni.
Moro ka moro biro chomo yore.
Onge kata ng’ato ma biro resi.+
Weche Moler Piny
^ Kata nyalo bedo, “kendo ok ananyis ng’ato ang’ata ng’wono.”
^ Kata, “Mikach.”
^ Kata, “Mikach.”
^ Kata nyalo bedo, “Kata obedo ni iritori gi juogi mang’eny.”
^ Kata nyalo bedo, “Jogo ma pogo polo; Jogo ma koro ka tiyo gi sulwe.”
