Barua mar Ariyo mar Petro 2:1-22
2 Kata kamano, jonabi mag miriambo bende ne osieko e kind oganda, mana kaka jopuonj mag miriambo bende biro sieko e kindu.+ Jogi biro kelo ling’ling’ kidienje ma ketho yie mar ji, kendo ginikwed kata mana ng’at ma ne ong’iewogi,+ mi gikel kethruok kuomgi mapiyo.
2 E wi mano, ji mang’eny noluw timbegi mag wang’-teko,*+ kendo ji biro chayo adiera nikech jo ma kamago.+
3 Bende, nikech igi lach giniwuondu gi weche mag miriambo. Kata kamano, bura ma noseng’adnegi chon+ ok bi mos, kendo kethruokgi ok nindi.+
4 Kuom adier, Nyasaye ne ok oweyo ma ok okumo malaike ma notimo richo,+ to nowitogi e kar tuech miluongo ni Tataro,*+ motueyogi gi nyoroche* mag mudho mandiwa mondo okan-gi ne bura.+
5 Kendo ne ok oweyo ma ok okumo piny machon,+ to noreso Noa jal ma ne yalo wach makare+ kanyachiel gi ji abiriyo mamoko,+ ka nokelo ataro ma noyweyo jo ma ne ok oluoro Nyasaye.+
6 Kendo ka noketho mier mag Sodom gi Gomora mi gilokore buru,+ ne oketo ranyisi mar gik ma nobi kuom jo ma ok oluoro Nyasaye.+
7 Kendo ne oreso Lut ng’at makare,+ ma chunye ne chandore ahinya nikech tim wang’-teko* mag jo ma ne ketho chik—
8 nikech ne en ng’at makare, chunye ne chande pile ka pile ka noneno kendo winjo wach timbe mochido mag jo ma nodakgo.
9 Kuom mano, Jehova* ong’eyo kaka onyalo reso jo ma nyiso ni gichiworene chuth ka ogologi e tem moro amora,+ kendo ong’eyo kano jo ma ok kare mondo obi okethgi e chieng’ bura,+
10 to moloyo, jo ma dwaro chido ringre jomamoko+ kendo mochayo loch.+
Nikech gin jo ma wang’gi tek kendo ma wigi tek, ok giluoro kata mana wuoyo ka gichayo jo ma Nyasaye osemiyo duong’,
11 to kata obedo ni malaike nigi teko kod nyalo maduong’ moloyogi, ok gidonj ne jogo ka gitiyo gi weche mag achaya, nimar gimiyo Jehova* luor.+
12 To mana kaka le ma ok ti gi paro, ma luwo mana kaka ne ochuegi, kendo minyuolo mana mondo omakgi kendo oneggi, jogo ochayo gik ma gikia.+ Ibiro kethgi nikech timbegi maricho.
13 Ibiro chulgi chandruok nikech gisekelo chandruok.
Gihero dak e ngima mar mor mag piny,+ kata mana godiechieng’. Gin kaka chilo kod mbelni e kindu, nimar gimor ahinya gi puonj ma giwuondogo ji sa ma gimetho kendo gichiemo kodu.+
14 Wengegi opong’ gi chode+ kendo ok ginyal weyo timo richo, kendo giyondho jo ma ok ochung’ motegno. Chunygi osetieg ne ich-lach. Gin nyithindo mokuong’.
15 Nikech gisejwang’o yo moriere tir, osewuondgi mi gibayo yo. Giseluwo yor Balam+ wuod Beor, ma nohero pok mar richo,+
16 kata obedo ni ne okwere ni kik otim gima ok kare.+ To punda nowuoyo kode gi dwond dhano, kata obedo ni en le ma ok wuo, mogeng’o neko mar janabino.+
17 Jogo gin sokni ma onge pi, kendo gin ong’ueng’o ma yamo mager riembo, osekan-gi ne mudho mandiwa.+
18 Giwacho weche manono mag sunga. Kuom luwo gombo mag ringruok+ kod tim wang’-teko,* giyondho jo ma eka oa tony e lwet jo modak e ketho.+
19 Gisingonegi thuolo to gin giwegi gin wasumbni mag richo;+ nikech ka ng’ato oloyo nyawadgi, jal moseloyono bedo misumbane.+
20 Kuom adier, bang’ ka giseweyo chilo mag piny+ nikech ng’eyo malong’o ma gin-go e wi Ruodhwa kendo Jawarwa Yesu Kristo, gisedok kendo e gigo sie kendo gigo loyogi, eka gikone kit ngimagi bedo marach ahinya moloyo kaka ne gin mokwongo.+
21 Dine obedo maber moloyo ka dine ok ging’eyo malong’o yo makare, kar ng’eyo yorno to bang’e gilokore giweyo chik maler ma ne giseyudo.+
22 Wach ma ngero moro madier nowacho osetimore kuomgi kama: “Guok osedok e ng’okne, kendo anguro moselwok osedok ng’ielore e chuodho.”+
Weche Moler Piny
^ E dho Grik en aselgeia. Som Tiend Weche.
^ Kata nyalo bedo, “moketogi e bugni.”
^ Som Tiend Weche.
^ E dho Grik en aselgeia. Som Tiend Weche.
^ Som Apendiks A5.
^ Som Apendiks A5.
^ E dho Grik en aselgeia. Som Tiend Weche.
