WACH MADUONG’ MA GASET WUOYOE | JONENO MAG JEHOVA GIN JOMAGE?
Joneno mag Jehova Oyie Kuom Ang’o?
Joneno mag Jehova oyie ni “Ndiko duto okudh gi much Nyasaye kendo gikonyo.” (2 Timotheo 3:16) Muma e ma konyowa ng’eyo Jachwech e yo maber, bende okonyowa mondo wadag e ngima maber.
Muma wacho niya: “Ni mondo ging’e ni in, ma nyingi Jehova, In kendi e ng’a Ma Malo Chutho e piny ngima.” (Zaburi 83:18) Kuom mano, walamo Jehova Nyasaye kende, kendo watimo kinda kaka Joneno mage mondo waland ne ji mang’eny nyingeno.—Isaiah 43:10-12.
Kaka Jokristo, wan gi yie ni Yesu en “Wuod Nyasaye,” * kendo ni nobiro e piny mobedo Mesia. (Johana 1:34, 41; 4:25, 26) Bang’ thone, ne ochiere modok e polo. (1 Jo-Korintho 15:3, 4) Bang’e nokete obedo Ruoth e Pinyruodh Nyasaye. (Fweny 11:15) Pinyruodhno en sirkal madier ma biro duoko Paradiso e piny kae. (Daniel 2:44) Muma wacho niya: “To jo mamuol ginicham piny; kendo ginimor moloyo kuom kwe mang’eny.”—Zaburi 37:11, 29.
“Sama gisomo Muma, gineno ka gima Nyasaye wuoyo kodgi. Samoro amora ma chandruok oyudogi, gitimo nonro e Wach Nyasaye mondo giyud kaka ginyalo loyo chandruogno. . . . Nikech ging’eyo ni Wach Nyasaye ngima.”—Jatelo moro mar Katholik miluongo ni Benjamin Cherayath nowacho wechego e gased Münsterländische Volkszeitung e piny Germany
Joneno mag Jehova oyie ni puonj mag Muma nyalo konyo ji kata mana e kindewagi. (Isaiah 48:17, 18) Emomiyo, waluwo puonjgo. Kuom ranyisi, ok wamadh ndawa kata tiyo gi yedhe ma mero ji nikech Muma chikowa ni wawe timbe duto ma nyalo chido pachwa kod ringrewa. (2 Jo-Korintho 7:1) Bende wakwedo timbe maricho ma Muma kwero achiel kachiel kaka mer, terruok, kod kuwo.—1 Jo-Korintho 6:9-11.
^ par. 5 Muma bende luongo Yesu ni “Wuod Nyasaye ma miderma” nikech en e ma Jehova nokwongo chueye achiel kachiel.—Johana 3:18; Jo-Kolosai 1:13-15.
Samoro Inyalo Hero Magi Bende
PENJO MA JI JOPENJO
Joneno mag Jehova Oyie gi Ang’o?
Ng’e puonj ma wayiego. E sulani, oler 15 kuom puonjgo e yo machuok.
PENJO MA JI JOPENJO
Be Joneno mag Jehova Wacho ni Din Margi Kende e mar Adier?
Be Yesu nowacho ni nitie yore mang’eny matero ji e ngima?
ESSENTIAL BIBLE TEACHINGS
Be Nyasaye Nigi Nyinge?
Nyasaye nigi nying mang’eny mag telo, kaka Ng’ama Nyalo Duto, Jachuech, kod Ruoth. Kata kamano, en gi nying masie. Nyingno yudore nyadi 7,000 e Muma.
