Miriambo Achiel Nyuolo Machielo

JAOTE Paulo nondiko ne Jokristo mokwongo E Ndalowa kowachonegi ni, “ritreuru.” Ne ochiwonegi siemno nikech ang’o? ‘Mondo kik ng’ato omakgi gi riekone kod wuond manono, ma wuok kuom puonj dhano.’—Jo Kolosai 2:8.

Kata obedo ni Paulo nochiwo siemno, chakre e dier higini mag 100 E Ndalowa, Jokristo moko nochako tiyo gi puonj mag jorieko machon mondo gilergo yie margi. Nikech ang’o? Ne gidwaro ni oganda mar josomo e gwenge ma ne ni e bwo loch Jo-Rumi oyie kodgi, mondo omi gibed gi jolup mang’eny.

Achiel kuom Jokristogo ma ne ong’ere ahinya ne en Justin Martyr, to ne oyie kuom puonj mar ni Jal Mawuoyo e Lo Nyasaye ne ofwenyore chon ne jorieko ma Jo-Grik ka Yesu ne pok obiro. Kaluwore gi Justin koda jopuonj ma ne nigi paro kaka mare, paro ma nochiw gi jorieko koda puonj mag sigendini mochwogi nomiyo din mar Jokristo okwako ji mawuok e ogendini duto.

Kit din mar Jokristo ma Justin Martyr ne jiwo, ne oywayo jolup mang’eny. Kata kamano, rwako puonj achiel mar miriambo ne onyuolo mamoko, kendo mano ne omiyo puonjgo ong’ere ka mag din mar Jokristo. Mondo ing’e adiera e wi puonjgi, por ane weche mosendiki e buge maluwogi gi gima Muma puonjo kuom adier.

[En mar manie ite mar 3]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence