CHAKO MBAKA
SULA MAR 2
Wuo e Yo Mapile
Puonj: “Mano kaka wach mowach e kinde mowinjore ber!”—Nge. 15:23.
Gima Filipo Notimo
1. Ne VIDIO, kata isom Tich Joote 8:30, 31. Bang’ mano, non penjo ma luwogi:
Ang’o ma Wapuonjore Kuom Filipo?
2. Ka wawuoyo e yo mapile, mano biro konyo ng’at ma wawuoyogo mondo obed thuolo winjo wach ma wanyise.
Luw Ranyisi mar Filipo
3. Yaw wang’i. Wanyalo ng’eyo weche mathoth kuom ng’ato ka warango ranyisi mag dende. Be ng’atno oikore wuoyo kodi? Inyalo chako wuoyo e wi puonj moro mar Muma ka ipenje niya, “Be ing’eyo ni . . . ?” Kik ichun ng’ato gi wuoyo ka ok odwar timo kamano.
4. Hori. Kik ine ni ochuno ni ichak wuoyo e wi puonj mag Muma kanyo gi kanyo. Rit nyaka kinde mowinjore nikech mano biro konyi wuoyo e yo mapile. Samoro nyalo dwarore ni irit nyaka kinde machielo ma ibiro wuoye gi ng’atno.
5. Ikri timo lokruok. Ng’ato nyalo chako wuoyo e wi gima ne ok ipar kata. Omiyo, ikri wuoyo e wi puonj moro ma biro moro ng’atno, kata ka biro chuno ni iwuo e wi puonj mag Muma mopogore gi ma ne iiko.
